အက်စ်တွန်ဗီလာ အသင်းခေါင်းဆောင် ဖေဘီယန်ဒပ်ဖ် မန်စီးတီတွင် ဆေးစစ်မှု ခံယူမည်

အက်စ်တွန်ဗီလာ အသင်းခေါင်းဆောင် ဖေဘီယန်ဒပ်ဖ် မန်စီးတီတွင် ဆေးစစ်မှု ခံယူမည်;;

အက်စ်တွန်ဗီလာ အသင်းခေါင်းဆောင် ဖေဘီယန်ဒပ်ဖ်သည် စနေနေ့တွင် မန်ချက်စတာစီးတီး၌ ဆေးစစ်မှု ခံယူပြီး အပြီးသတ်ပြောင်းရွှေ့မည် ဖြစ်သည်။

၂၀၀၉ ခုနှစ်က လိဒ်အသင်းမှ ဗီလာသို့ ပြောင်းရွှေ့ခဲ့သော ကွင်းလယ်ကစားသမားသည် ဇန်နဝါရီလက ဗီလာနှင့် လေးနှစ်ခွဲစာချုပ် ချုပ်ဆိုခဲ့သူဖြစ်သည်။ အသက် ၂၅ နှစ်အရွယ် ဒပ်ဖ်သည် ပေါ်တူဂီတွင် ရာသီကြို လေ့ကျင့်ရန် သွားရောက်ခဲ့သော ဗီလာအသင်း လူစာရင်းတွင် ပါဝင်ခဲ့ခြင်း မရှိပေ။

ပြီးခဲ့သည့် ဘောလုံးရာသီက ဗီလာကို ပရီးမီးယားလိဂ်တွင် တင်ကျန်စေရန် ကူညီခဲ့သည့် ဒပ်ဖ်သည် လိဂ်ပွဲ ၂၈ ပွဲ ကစားခဲ့ပြီး အသင်းကို အက်ဖ်အေဖလား ဗိုလ်လုပွဲသို့ တက်လှမ်းနိုင်စေရန် အဓိက စွမ်းဆောင်နိုင်ခဲ့သူ ဖြစ်သည်။

၎င်းသည် ဇန်နဝါရီလက အသင်းနှင့် စာချုပ်သစ်ချုပ်ဆိုစဉ်က မိမိအနေဖြင့် ဗီလာတွင် ကာလကြာရှည် ကစားရန် ရည်ရွယ်ထားကြောင်း ဆိုခဲ့သူ ဖြစ်သည်။ ၎င်းက “ဗီလာမှာ ဆက်မကစားနိုင်စရာ အကြောင်းမရှိပါဘူး။ ဒီအသင်းမှာပဲ ကျွန်တော်ဆက်ကစားဖို့ ဆန္ဒရှိပါတယ်” ဟု ထိုစဉ်က ပြောကြားခဲ့သည်။

Soccer Myanmar

Pumta

ဘောလုံး ရထားလျှင် ဟာဇက်ကို ပေးလိုက်ရန်သာ လိုအပ်ဟု မာတစ်ပြောကြား

ဘောလုံး ရထားလျှင် ဟာဇက်ကို ပေးလိုက်ရန်သာ လိုအပ်ဟု မာတစ်ပြောကြား

ချယ်လ်ဆီး ကစားသမားများ အနေဖြင့် အသင်းနိုင်ပွဲ ရရှိစေရန် အတွက် အီဒင်ဟာဇက်ကို ရှာဖွေပြီး ဘောလုံးရောက်အောင် ပေးပို့ရန်သာ လိုကြောင်း နီမန်ယာ မာတစ်က ချီးကျူး ပြောကြားလိုက်သည်။

ဆာဘီးယား လက်ရွေးစင် ကွင်းလယ်ခံစစ်သမားက ဘယ်လ်ဂျီယံ လက်ရွေးစင် တောင်ပံတိုက်စစ်သမား၏ စွမ်းဆောင်ရည်များကို အထူးအထင်ကြီး လေးစားလျက်ရှိပြီး ဟာဇက်သည် ဘောလုံးရရှိချိန်တွင် မိမိ တွေးပင် မတွေးမိသော အရာများကို လုပ်ပြနိုင်စွမ်း ရှိသူ တစ်ဦးဟုလည်း ညွှန်းဆိုခဲ့သည်။ ပြီးခဲ့သည့် ရာသီက ပရီးမီးယားလိဂ် ချန်ပီယံ ဖြစ်ခဲ့သည့် ချယ်လ်ဆီးအသင်းတွင် ဟာဇက်သည် အထူးခြေစွမ်းပြ ကစားကာ ပရီးမီးယားလိဂ် တစ်နှစ်တာ အကောင်းဆုံး ကစားသမားဆုကို ရရှိခဲ့သလို ပြိုင်ပွဲစုံတွင် (၁၉)ဂိုး သွင်းယူကာ အသင်းဖော်များ ဂိုးသွင်းနိုင်ရန် (၁၁)ကြိမ် ဖန်တီး ကူညီခဲ့သည်။

မာတစ်က “ဟာဇက်ဟာ ပြီးခဲ့တဲ့ရာသီ လိဂ်ပြိုင်ပွဲရဲ့ အကောင်းဆုံး ကစားသမားပါ။ သူဟာ ဒီဆုကို တကယ်ကောင်းလို့ ရခဲ့တာပါ။ သူနဲ့ အမှန်တကယ် ထိုက်တန်ပါတယ်”ဟု ဆိုသည်။ ၎င်းက “ပြီးတော့ ဟာဇက်က အသက် အရမ်းငယ်သေးတယ်။ ဒီထက်ပိုပြီး အများကြီး တိုးတက်လာနိုင်သေးတယ်။ ပုံမှန်အားဖြင့် ချန်ပီယံ အသင်းတစ်သင်းက အကောင်းဆုံး ကစားသမားတစ်ယောက် ထွက်ပေါ်တတ်တာ မဆန်းပါဘူး။ သူဟာ အသင်းအတွက် ဂိုးတွေ အများကြီး သွင်းယူပြီး ဖန်တီး ပံ့ပိုးမှုတွေလည်း လုပ်ပြနိုင်ခဲ့တယ်။ တစ်ခါတစ်လေ ကျွန်တော် ဘောလုံးရထားပြီး ဘာလုပ်ရမယ်မှန်း မသိရင် ဟာဇက်ဆီ လှမ်းပေးလိုက်တာပါပဲ။ အဲဒါဆိုရင် သူက အခွင့်အလမ်း တစ်ခုခု ဖန်တီးဖို့ နည်းလမ်းတစ်ခုတော့ ရှာတွေ့သွားတာပါပဲ”ဟုလည်း ပြောကြားသွားသည်။

Soccer Myanmar
Khant Gyi

ကာဘာယီကို သုံးနှစ် စာချုပ်ဖြင့် ခရစ္စတယ်ပဲလေ့စ် ခေါ်ယူ

ကာဘာယီကို သုံးနှစ် စာချုပ်ဖြင့် ခရစ္စတယ်ပဲလေ့စ် ခေါ်ယူ

ခရစ္စတယ်ပဲလေ့စ်သည် ပြင်သစ် ကွင်းလယ်ကစားသမား ယိုဟန်ကာဘာယီကို ပီအက်စ်ဂျီထံမှ သုံးနှစ်စာချုပ်ဖြင့် ခေါ်ယူနိုင်ခဲ့ကြောင်း အတည်ပြု ကြေညာခဲ့သည်။

ခရစ္စတယ်ပဲလေ့စ်သည် အသင်းမန်နေဂျာ အလန်ပါဂျူးနှင့် ပြန်လည်ပေါင်းစည်းမည့် နယူးကာဆယ် ကစားသမားဟောင်း ကာဘာယီအတွက် ပေါင် ၁၀ သန်းကျော် သုံးစွဲခဲ့ကြောင်း Goal မှ ဖော်ပြခဲ့သည်။

“ကျွန်တော် ဒီကို ပြောင်းရွှေ့ခွင့်ရတာ အရမ်းကို ပျော်ရွှင်မိပါတယ်။ ရာသီသစ်မှာ အသင်းသစ်နဲ့အတူ ကစားသမားဘဝ ပြန်စဖို့အတွက် မစောင့်နိုင်တော့ပါဘူး။ ဒီအသင်းမှာ ခြေစွမ်းကောင်းတဲ့ ကစားသမားတွေရှိတဲ့အတွက်ကြောင့် ပဲလေ့စ်မှာ လာကစားဖို့ ဆုံးဖြတ်ခဲ့တာပါ။ သူတို့ဟာ ပြီးခဲ့တဲ့ ဘောလုံးရာသီမှာ အကောင်းဆုံး ကစား ခဲ့ပါတယ်။ ဒီနှစ်မှာလည်း ထိပ်ဆုံး ၈ သင်းထဲမှာ ပါဝင်နိုင်လိမ့်မယ်လို့ ထင်ပါတယ်။ အသင်း မန်နေဂျာရဲ့ အကြောင်းကိုလည်း ကောင်းကောင်းကြီး သိထားပါတယ်။ သူနဲ့ နယူးကာဆယ်မှာတုန်းက လက်တွဲ ခဲ့ဖူးတာကြောင့် သူ့အပေါ် ကျွန်တော် ယုံကြည်မှုရှိပါတယ်။ ဒီကို ပြောင်းရွှေ့ခွင့်ရအောင် သူက အပြင်းအထန်ကြိုးစားခဲ့တဲ့ အတွက် ကျွန်တော့်အနေနဲ့ သူ့အတွက် အကောင်းဆုံး ကစားဖို့ ဆန္ဒရှိပါတယ်” ဟု ကာဘာယီက ပြောကြားခဲ့သည်။

ကာဘာယီသည် စိန့်ဂျိမ်းပတ်ခ်တွင် အလန်ပါဂျူး လက်အောက်၌ သုံးနှစ်ကြာ ကစားခဲ့ပြီး ထိုစဉ်က ပရီးမီးယားလိဂ်၏ ထိပ်တန်း ကွင်းလယ်ကစားသမားများ အနက် တစ်ဦးအပါအဝင် ဖြစ်ခဲ့သည်။ ၎င်းသည် ၂၀၁၄ ခုနှစ် အစောပိုင်းတွင် ပေါင် သန်း ၂၀ နီးပါးဖြင့် ပီအက်စ်ဂျီသို့ ပြောင်းရွှေ့ခဲ့သူ ဖြစ်သည်။

Soccer Myanmar
Khant Gyi

ဂျူဗင်တပ်စ်နောက်ခံလူ အော့ဘွန်နာကို ၀က်စ်ဟမ်း ခေါ်ယူ

ဂျူဗင်တပ်စ်နောက်ခံလူ အော့ဘွန်နာကို ၀က်စ်ဟမ်း ခေါ်ယူ

အောင်ငြိမ်းသွေး

ဇူလိုင် ၁၁၊ လန်ဒန်။ ။ ၀က်စ်ဟမ်အသင်းသည် ဂျူဗင်တပ်စ်နောက်ခံကစားသမား အော့ဘွန်နာကို ပြောင်းရွှေ့ကြေး ပေါင် ၈ ဒသမ ၅ သန်းဖြင့် လေးနှစ် စာချုပ် ချုပ်ဆိုကာ ခေါ်ယူလိုက်ပြီ ဖြစ်သည်။

အသက် ၂၇ နှစ်အရွယ်ရှိ အီတလီလက်ရွေးစင် နောက်ခံကစားသမား အော့ဘွန်နာကို ဆောက်သမ်တန်၊ အဲဗာတန်နှင့် နာပိုလီအသင်းတို့က ခေါ်ယူရန် ကြိုးပမ်းခဲ့ကြပြီး ၀က်စ်ဟမ်းက ခေါ်ယူနိုင်ခဲ့ခြင်း ဖြစ်သည်။

ဝက်စ်ဟမ်းသို့ ပြောင်းရွှေ့နိုင်ခဲ့ပြီး နောက်တွင် အော့ဘွန်နာက 'ကျွန်တော် ပရီးမီးယားလိဂ်မှာ ကစားလိုပါတယ်။ လန်ဒန်ကို ပြောင်းရွှေ့ရမှာ ဖြစ်လို့ ပျော်ပါတယ်။ ၀က်စ်ဟမ်းအသင်းအတွက် ကစားပေးတာက မှန်ကန်တယ်လို့ ကျွန်တော့်နှလုံးသားက ပြောပါတယ်။ အသင်းဖော်အသစ်တွေနဲ့အတူ နည်းပြဘီလစ်ရဲ့လက်အောက်မှာ ကစားဖို့ မစောင့်နိုင်တော့ပါဘူး။ ခက်ခဲကြမ်းတမ်းမယ့် ခရီးစဉ်အသစ်အတွက် အဆင်သင့် ဖြစ်နေပါပြီ' ဟု ပြောသည်။

အော့ဘွန်နာသည် တိုရီနိုအသင်းမှ ဂျူဗင်တပ်စ်အသင်းသို့ ၂၀၁၃ ခုနှစ်က ရောက်ရှိခဲ့သူဖြစ်သည်။ ဂျူဗီတွင် ချီလီနီနှင့် ဘိုနုချီတို့ ရှိနေသည့်အတွက် ဒုတိယဦးစားပေးကစားသမားအဖြစ်သာ ကစားခဲ့ရသည်။ သို့သော် အော့ဘွန်နာသည် အီတလီလက်ရွေးစင်အသင်းအတွက် ၁၀ ပွဲအထိ ပါဝင်ကစားပေးခဲ့ပြီး ဖြစ်သည်။

ရည်ညွှန်း ဒေးလီးမေးလ်

Mizzima
Khant Gyi

ဗန်ဂျင်ကယ်နှင့် ဂစ်ဗင်းတို့ကို စတုခ်စီးတီးအသင်းခေါ်ယူ

ဗန်ဂျင်ကယ်နှင့် ဂစ်ဗင်းတို့ကို စတုခ်စီးတီးအသင်းခေါ်ယူ

ဝေဘုန်းလူ

ဇူလိုင် ၁၁၊ စတုခ်စီးတီး။ ။ စတုခ်စီးတီးအသင်းသည် ချယ်လ်ဆီးကွင်းလယ်ကစားသမား ဗန်ဂျင်ကယ်ကို အငှားဖြင့်လည်းကောင်း၊ အက်စတွန်ဗီလာမှ ဝါရင့်ဂိုးသမား ရှေးဂစ်ဗင်းကိုလည်းကောင်းခေါ်ယူခဲ့ပြီး အင်တာမီလန်ကွင်းလယ်လူ ရှာကွီရီကိုခေါ်ယူရန်ကြိုးပမ်းမှုမှာမူ အောင်မြင်မှုမရခဲ့ဟု ဘီဘီစီ သတင်း ဋ္ဌာနက ဖော်ပြသည်။

စတုခ်စီးတီးအသင်းမှာ လီဗာပူးလ်နှင့်အင်္ဂလန်ညာနောက်ခံလူဟောင်း ဂလင်းဂျွန်ဆင်ကိုလည်း ခေါ်ယူနိုင်မည်ဟု ယုံကြည်နေသည်။ စတုခ် အသင်းသည် ဆွစ်တောင်ပံကစားသမား ရှာကွီရီကို ပေါင် ၁၂ သန်းဖြင့်သဘောတူညီမှုရခဲ့သော်လည်း သတ်မှတ်ရက်အတွင်း ကစားသမား ဖြစ်သူက အကြောင်းပြန်ခဲ့ခြင်းမရှိ၍ အပြောင်းအရွှေ့ပျက်ပြယ်ခဲ့ရသည်။

အသက် ၂၂ နှစ်အရွယ်ရှိ ဗန်ဂျင်ကယ်သည် ၂၀၁၃ တွင်ဗီတက်ဆီမှ ချယ်လ်ဆီးသို့ရောက်လာပြီးနောက် လေးပွဲသာကစားခွင့်ရခဲ့ပြီး စတုခ်စီးတီးသို့ တစ်ရာသီအငှားဖြင့် ပြောင်းရွှေ့ခဲ့ခြင်းဖြစ်သည်။

အသက် ၃၉ နှစ်အရွယ်ရှိ ဂစ်ဗင်းသည် အလွတ်ပြောင်းရွှေ့ကြေးဖြင့် စတုခ်စီးတီးသို့ရောက်လာခဲ့ခြင်းဖြစ်ပြီး နှစ်နှစ်စာချုပ်ချုပ်ခဲ့သည်။ ၎င်း သည် မန်စီးတီးတွင်လက်တွဲခဲ့သည့် ဆရာဟောင်း မာ့ခ်ဟုခ်ျနှင့် ပြန်လည်လက်တွဲရမည်ဖြစ်သည်။

ဂစ်ဗင်းရောက်ရှိလာခြင်းက ချယ်လ်ဆီးအသင်းလိုချင်နေသည့် စတုခ်ဂိုးသမား ဘီဂိုဗစ်ချယ်လ်ဆီးသို့ရောက်ရှိတော့မည်ဟူသော သတင်းများ ကိုကျယ်ကျယ်ပြန့်ပြန့်ထွက်ပေါ်လာစေခဲ့သည်။

Mizzima
Khant Gyi

ရီးယဲလ်မက်ဒရစ်အသင်းနှင့် မာဆယ်လို ၂ နှစ်သက်တမ်းတိုး

ရီးယဲလ်မက်ဒရစ်အသင်းနှင့် မာဆယ်လို ၂ နှစ်သက်တမ်းတိုး

ဝေဘုန်းလူ

ဇူလိုင် ၁၁၊ မက်ဒရစ်။ ။ စပိန်ကလပ်ရီးယဲလ်မက်ဒရစ်အသင်းသည် ဘရာဇီးဘယ်နောက်ခံလူ မာဆယ်လိုကို ၂ နှစ်သက်တမ်းတိုးလိုက်ပြီဟု သောကြာနေ့တွင် အတည်ပြုကြေညာလိုက်သည်။

သို့ဖြစ်ရာ မာဆယ်လိုသည် ရီးယဲလ်မက်ဒရစ်အသင်းတွင် ၂၀၂၀ အထိဆက်ရှိနေတော့မည်ဖြစ်သည်။ "မာဆယ်လိုကို ၂၀၂၀ ဇွန် ၃၀ အထိ စာချုပ်သက်တမ်းတိုးလိုက်ပါတယ်"ဟု ရီးယဲလ်မက်ဒရစ်အသင်းက ကြေညာသည်။

အသက် ၂၇ နှစ်ရှိ မာဆယ်လိုသည် ၂၀၀၇ ဇန်နဝါရီတွင် ဘရာဇီးကလပ်ဖလူမီးနီးစ်မှ ယူရိုခြောက်သန်းဖြင့်ပြောင်းလာခဲ့သူ ဖြစ်ပြီး အသင်းခေါင်းဆောင် ကာဆီးလက်စ်၊ ဒုတိယအသင်းခေါင်းဆောင် ရာမို့စ်တို့၏နောက်တွင် တတိယ ဝါအရင့်ဆုံးကစားသမားလည်းဖြစ်သည်။

ဘရာဇီးလက်ရွေးစင်မာဆယ်လိုသည် ကိုးနှစ်တာကာလအတွင်း ရီးယဲလ်မက်ဒရစ်အသင်းအတွက်ပွဲပေါင်း ၃၂၀ ကစားထားသည်။ နွေရာသီ အပြောင်းအရွှေ့ကာလအတွင်း ကာဆီးလက်စ်နှင့် ရာမို့စ်တို့အသင်းပြောင်းမည်ဟု သတင်းထွက်နေရာ ရီးယဲလ်မက်ဒရစ်အနေဖြင့် မာဆယ်လို ကိုပါ မဆုံးရှုံးရစေရန်အတွက် စာချုပ်သက်တမ်းတိုးခဲ့ခြင်းဖြစ်သည်။

ရီးယဲလ်အသင်းက မန်ယူဂိုးသမား ဒီဂီယာကိုခေါ်ယူလိုနေစဉ်တွင် ကာဆီးလက်စ်သည် ပေါ်တိုသို့ရောက်ရှိလုနီးပါးဖြစ်နေသည်။ ရာမို့စ်မှာ မန်ယူနှင့်သတင်းထွက်နေသည်။

ရည်ညွှန်း ဒေးလီးမေးလ်

Mizzima
Khant Gyi

ဆုဖလားတွေရယူဖို့ မန်ယူကိုလာခဲ့တာပါ ဆိုတဲ့ ဒီပေး

ဆုဖလားတွေရယူဖို့ မန်ယူကိုလာခဲ့တာပါ ဆိုတဲ့ ဒီပေး

အောင်ငြိမ်းသွေး

ဇူလိုင် ၁၁၊ မန်ချက်စတာ။ ။ 'မန်ယူအသင်းက ကမ္ဘာပေါ်မှာ အကြီးမားဆုံးကလပ်အသင်းတစ်သင်းပါ။ ဒါကြောင့် ဒီအသင်းအတွက် ဆုဖလားတွေ ရရှိဖို့ ကျွန်တော်ကစားမှာပါ။ မန်ယူကို လာခဲ့တာ ဆုဖလားတွေ ဆွတ်ခူးနိုင်ဖို့ ဖြစ်ပါတယ်' ဒီစကားကို ဆိုခဲ့သူက မန်ယူအသင်းရဲ့ ကစားသမားသစ် ဒီပေးပဲ ဖြစ်ပါတယ်။

အသက် ၂၁ နှစ်အရွယ်သာ ရှိသေးပေမယ့် ပြီးခဲ့တဲ့ ရာသီတုန်းက နယ်သာလန်အမှတ်ပေးပြိုင်ပွဲမှာ ဂိုးသွင်းဘုရင်ဆုကို ရရှိလာတဲ့ ဒီပေးက ရာသီသစ်မှာ စောင့်ကြည့်ရမယ့် ကစားသမားတစ်ဦးဆိုတာ အသေအချာပါပဲ။ အသက်အရွယ်က ငယ်ရွယ်သေးပေမယ့် ဒီပေးကတော့ သူ့ကိုယ်သူ ယုံကြည်မှု အပြည့်ရှိနေပါတယ်။

'မန်ယူအသင်းမှာ အရည်အချင်းပြည့်ဝတဲ့ ကစားသမားတွေ အများကြီး ရှိပါတယ်။ အားလုံးက ဆုဖလားတွေ ရရှိဖို့ ၀ိုင်းဝန်းကြိုးစားကြမှာပါ။ ဒါကြောင့် ကျွန်တော်တို့ ဆုဖလားတွေ ရနိုင်ပါတယ်။ မန်ယူအတွက် ကစားပေးပြီး ဂိုးတွေသွင်းရမှာကို တကယ်ပဲ စိတ်လှုပ်ရှားနေမိပါတယ်။ ကျွန်တော်က တိုက်စစ်ကစားသမားဖြစ်လို့ ဂိုးတွေသွင်းပြီး ဖန်တီးမှုတွေ ပြုလုပ်ပေးသွားမှာပါ။

ကမ္ဘာ့ဖလားတုန်းက နည်းပြဗန်ဟားလ်ရဲ့လက်အောက်မှာ ကစားခဲ့ဖူးပါတယ်။ ကျွန်တော့်ဆီက ဗန်ဟားဘာလိုချင်တယ်ဆိုတာကို ခင်ဗျားတို့ မြင်နိုင်လိမ့်မယ်လို့ ကျွန်တော် ထင်ပါတယ်။ ကျွန်တော်ဟာ လူငယ်တစ်ဦးဖြစ်လို့ အများကြီး သင်ယူရဦးမှာပါ။ ဒါပေမဲ့ နည်းပြရဲ့ စေခိုင်းမှုအောက်မှာ တိုးတက်လာဦးမှာပါ။ ဗန်ဟားလ်က ဘယ်နေရာမှာ ကစားခိုင်းသည်ဖြစ်စေ ကျွန်တော်စွမ်းဆောင်နိုင်သလောက် အကောင်းဆုံး ပေးဆပ်ကစားသွားမှာပါ' လို့ ဒီပေးက ဆိုပါတယ်။

ဒီပေးက သူ့ကိုယ်သူ ယုံကြည်မှု ရှိတဲ့အပြင် ဘောလုံးလောကမှာ သူကိုယ်တိုင်လမ်းသစ်ဖောက်ပြီး နာမည်တစ်လုံးတည်ဆောက်လိုသူလည်း ဖြစ်ပါတယ်။ သူ့ကို တစ်စုံတစ်ယောက်နဲ့ ခိုင်းနှိုင်းပြောဆိုတာမျိုးက မကြိုက်ကြောင်း ဒီပေးက ပြောပါတယ်။

မန်ယူအသင်းရဲ့ ပရိသတ်တွေကတော့ သူ့ကို စီရော်နယ်ဒိုလက်သစ်အဖြစ် မျှော်လင့်ကြပါတယ်။ ဘာကြောင့်လည်းဆိုတော့ သူက တောင်ပံကစားသမားတစ်ဦးဖြစ်ပေမယ့် ဂိုးများစွာသွင်းယူပြီး ပြစ်ဒဏ်ဘောတွေကနေလည်း ဂိုးသွင်းယူနိုင်သူ ဖြစ်လို့ပါပဲ။

'ကျွန်တော့်ကို တစ်စုံတစ်ယောက်နဲ့ နှိုင်းယှဉ်တာမျိုးကို မနှစ်သက်ပါဘူး။ စီရော်နယ်ဒိုဟာ ကမ္ဘာပေါ်က အကောင်းဆုံး ကစားသမားတစ်ဦးပါ။ ဒါပေမဲ့ သူနဲ့ နှိုင်းယှဉ်ပြီး ပြောဆိုနေကြတာတွေကို မကြိုက်ပါဘူး။ ဒီအကြောင်းကို အများကြီး မပြောလိုပါဘူး။ ကျွန်တော်က ကိုယ့်လမ်းကိုယ်ဖောက်ချင်တဲ့သူပါ။ ဒါက မလွယ်ဘူးဆိုတာ သိပါတယ်။

ပြိုင်ပွဲတွေက အလွန်မြန်ဆန်ပြီး ခက်ခဲတယ်ဆိုတာကို ယူနိုက်တက် ကစားသမားတွေက ပြောပါတယ်။ ဒီအပတ်ထဲမှာ ကျွန်တော်သုံးကြိမ်လောက် လေ့ကျင့်ခန်းဆင်းပြီးသွားပါပြီ။ ကွဲပြားခြားနားမှုတွေကို ခံစားရပါတယ်။ ဒါပေမဲ့ တိုးတက်လာဖို့အတွက် ခက်ခက်ခဲခဲ ကြိုးစားရတာကို ကြိုက်ပါတယ်။ ပြင်းပြင်းထန်ထန်ကြိုးစားပြီး ဒီအခြေအနေကို ထိန်းသိမ်းနိုင်တယ်ဆိုတာ နည်းပြကို ပြသသွားမှာပါ' လို့ ဒီပေးက ရင်ဖွင့်ပါတယ်။

ဒီပေးက ယုံကြည်မှုအပြည်နဲ့ ပြောဆိုနေတာကို နည်းပြဗန်ဟားလ်က လက်ခံပေမယ့် ပြီးခဲ့တဲ့ ရာသီက သူ့မှာ အတွေ့အကြုံကောင်းကောင်း ရှိနေပါပြီ။ ဒီမာရီယာ၊ ရိုဟိုနဲ့ ဒါလေဘလိုင်းတို့ တုန်းကလို အခက်အခဲတွေ ကြုံတွေ့ရမှာကို စိုးရိမ်နေပြီး ဒီပေးကို အချိန်ပေးရမယ်လို့ ဆိုပါတယ်။

'ဒီပေးဟာ သူ့ရဲ့အသက်အရွယ်မှာတော့ တကယ်ကို အရည်အသွေးမြင့်မားတဲ့ ကစားသမားကောင်းတစ်ဦးပါ။ သူက ယုံကြည်မှုအပြည့်ရှိနေပြီး သူ့ရဲ့ ထင်မြင်ချက်တွေ ခံစားချက်တွေကို ပြောပြပါလိ့မ်မယ်။ ဒါပေမဲ့ ပရီးမီးယားလိဂ်ပြိုင်ပွဲဟာ ခက်ခဲတယ်ဆိုတာကို သူသတိထားမိမှာပါ။ ဒီမာရီယာ၊ ရိုဟိုနဲ့ ဒါလေဘလိုင်းတို့တုန်းကလည်း ပြဿနာတွေရှိခဲ့ပါတယ်။ ဒါကြောင့် ဒီပေးကို အချိန်တော့ ပေးရပါလိ့မ်ယ်' လို့ ဗန်ဟားလ်က ဖွင့်ဟ ခဲ့ပါတယ်။

ဒီပေးဟာ အသက် ၆ နှစ်အရွယ်ကတည်းက ဘောလုံးစတင်ကစားခဲ့သူဖြစ်ပြီး ရော်တာဒမ်နဲ့ ပီအက်စ်ဗွီလူငယ်အသင်းတွေမှာ ကစားခဲ့ပါတယ်။ ၂၀၁၁ ခုနှစ်မှာ ပီအက်စ်ဗွီအသင်းကြီးမှာ ပထမဆုံးပါဝင်ခွင့်ရခဲ့ပေမယ့် အဓိက ကစားသမား ဖြစ်မလာသေးပါဘူး။

၂၀၁၂-၁၃ ရာသီမှာ ပွဲအတော်များများ ကစားခွင့်ရရှိလာပြီး ၂၀၁၃-၁၄ မှာတော့ အဓိက ကစားသမား ဖြစ်လာခဲ့ပါတယ်။ ပြီးခဲ့တဲ့ ရာသီကတော့ ဒီပေးရဲ့ ခြေစွမ်းက အလွန်တိုးတက်လာပြီး ပွဲ ၄၀ မှာ ၂၈ ဂိုးအထိ သွင်းယူလာနိုင်ခဲ့ပါတယ်။ ဂိုးသွင်းဘုရင်ဆုကို ရခဲ့သလို ပီအက်စ်ဗွီအသင်းအတွက် နယ်သာလန်အမှတ်ပေးချန်ပီယံဆုကြီးကို ရယူပေးခဲ့ပါတယ်။

ကလပ်အသင်းမှာ တိုးတက်လာတဲ့ ခြေစွမ်းနဲ့အတူ ဒီပေးဟာ နယ်သာလန် သက်တမ်းအလိုက် လက်ရွေးစင်အသင်းတိုင်းမှာ ပါဝင်ခွင့်ရခဲ့ပါတယ်။ လက်ရွေးစင်အသင်းကြီးအတွက်တော့ ၁၇ ပွဲသာ ပါဝင်ကစားရသေးပြီး ၃ ဂိုးသွင်းထားပါတယ်။

ဒီပေးရဲ့အလွန်တိုးတက်လာတဲ့ ခြေစွမ်းကြောင့် ပြီးခဲ့တဲ့ ရာသီအဆုံးမှာ ပီအက်စ်ဗွီအသင်းရဲ့ တာဝန်ရှိသူတွေက ဆက်လက်ထိန်းသိမ်းထားဖို့ မလွယ်တော့ဘူးလို့ ၀န်ခံခဲ့ပါတယ်။ အဲ့ဒီနောက် စောစောစီးစီးပဲ မန်ယူအသင်းက ဒီပေးကို ခေါ်ယူလိုက်နိုင်ပါတယ်။

အရှိန်အဟုန်နဲ့ တိုးတက်လာနေတဲ့ ဒီပေးက ယုံကြည်မှုအလွန်မြင့်မားနေသလို မန်ယူနဲ့ နယ်သာလန် ပရိသတ်တွေကလည်း သူ့ကို အများကြီး မျှော်လင့်နေကြပါပြီ။ ဘောလုံးလောကမှာ ကိုယ့်လမ်းကိုယ်ဖောက်ပြီး နာမည်တစ်လုံးရေးထိုးလိုတဲ့ ဒီပေးအနေနဲ့ ဘယ်လောက်အထိအောင်မြင်မှုတွေ ရလာမလဲဆိုတာကို စောင့်ကြည့်ပြီး ဆက်လက်အားပေးလိုက်ကြရအောင်ပါ။

ကိုးကား စကိုင်းစပေါ့

Mizzima
Khant Gyi