နည်းပြ အန်ရီကေးကြောင့် ဘာစီလိုနာတွင် တိုးတက် ပြောင်းလဲမှု များစွာ ရှိလာဟု ရာကီတစ် ချီးကျူး
နည်းပြ လူးဝစ်အန်ရီကေးသည် ဘာစီလိုနာကို သိသိသာသာ တိုးတက်ပြောင်းလဲလာစေသူ တစ်ဦးဖြစ်ကြောင်း အိုင်ဗန်ရာကီတစ်က ချီးကျူး ပြောကြားလိုက်သည်။
ယခုရာသီတွင် ဆယ်လ်တာဗီဂိုမှ ဘာစီလိုနာသို့ ပြောင်းရွှေ့ တာဝန်ယူခဲ့သည့် စပိန်နည်းပြသည် အစောပိုင်း ကာလများတွင် ၎င်း၏ ဘောလုံး ဒဿနအတွက် ဝေဖန်မှုများနှင့် ကြုံခဲ့ရပြီး ရာထူးမှ ထုတ်ပယ်ခံရမည်ဟုပင် သတင်းကြီးခဲ့သေးသည်။ သို့သော်လည်း ဘောလုံးရာသီ အလယ်လောက်မှ စတင်ကာ အသင်းကို ပိုမိုနိုင်နင်းစွာ ထိန်းချုပ်လာနိုင်ခဲ့သလို ဘာစီလိုနာသည်လည်း ကဏ္ဍအသီးသီးတွင် သိသာသော တိုးတက်မှုများ ရှိလာစေခဲ့သည်။ ဘာစီလိုနာ အရန်အသင်းနှင့် ရိုးမားအသင်းတို့ကိုလည်း ကိုင်တွယ်ဖူးသည့် အန်ရီကေးသည် ဘာစီလိုနာ၏ ရိုးရာဟန်ဖြစ်သော တီကီတာကာကို စွန့်ခွာပြီး တိုက်စစ်ကို ပိုမို၍ တိုက်ရိုက်ကျကျ ကစားစေခြင်းဖြင့် အသင်းအပေါ် ကြီးမားသည့် အပြောင်းအလဲတစ်ရပ် ပြုလုပ်ခဲ့သည်။
ခရိုအေးရှား ကွင်းလယ်ဖန်တီးရှင် ရာကီတစ်က “သေချာတာကတော့ လက်ရှိနည်းပြ လက်အောက်မှာ ကျွန်တော်တို့ အသင်းဟာ နေရာတော်တော်များများ တိုးတက်ပြောင်းလဲလာတယ် ဆိုတာပါပဲ။ ကျွန်တော်တို့ အားလုံးက အန်ရီကေးကို (၁၀၀)ရာခိုင်နှုန်း အပြည့်အဝ ယုံကြည်ပါတယ်”ဟု ပြောကြားခဲ့သည်။ အန်ရီကေး လက်အောက်တွင် ဘာစီလိုနာသည် အမှတ်ပေးဇယားကို ဦးဆောင်ရပ်တည်နေပြီး စပိန်ရှုံးထွက်ဖလားတွင်လည်း ဗိုလ်လုပွဲ ကစားရမည်ဖြစ်သလို ချန်ပီယံလိဂ်တွင်လည်း အကြိုဗိုလ်လုထိ ရောက်ရှိနေပြီ ဖြစ်သည်။
Soccer Myanmar
No comments:
Post a Comment