ရီးယဲလ်ထက် ဘာစီလိုနာ ပွဲပိုကြပ်ဟု အာဘီလိုအာပြော
Written by ဝေဘုန်းလူ
မက်ဒရစ်၊ ဧပြီ ၇။ ။ လာလီဂါ လက်ကျန် ပွဲစဉ်များတွင် ရီးယဲလ် မက်ဒရစ်ထက် ဘာစီလိုနာ ကပွဲပိုကြပ်နေပြီး မိမိတို့ အသင်း အနေဖြင့် ဘာစီလိုနာကို အမီ လိုက်နိုင်ရန် ယုံကြည်မှု အပြည့်ရှိသည်ဟု ရီးယဲလ် မက်ဒရစ်နောက်ခံလူ အာဘီလိုအာ ကပြောသည်။
ကိုးပွဲကစားရန်ကျန်သေးချိန်တွင် ရီးယဲလ် မက်ဒရစ် အသင်းကို ဘာစီလိုနာ ကလေးမှတ်ဖြတ် ဦးဆောင် ထားသည်။ နှစ်သင်းစလုံးမှာ ဆီဗီလာ၊ ဗလင်စီယာကဲ့ သို့သော ခက်ခဲ့သည့် ပြိုင်ဘက်များနှင့် ရင်ဆိုင်ရန် ရှိနေချိန်တွင် ဘာစီလိုနာအသင်းမှာ အက်သလက်တီကိုနှင့်လည်း အဝေးကွင်း ကစားရ မည်ဖြစ်သဖြင့် ဘာ စီလိုနာ အသင်းခြေချော်နိုင်သေး သည်ဟု အာဘီလိုအာက ယုံကြည်နေသည်။
"ဘာစီလိုနာက ကျွန်တော်တို့ထပ် ပွဲပိုကြပ်ပါတယ်။ လက်ကျန်ပွဲတိုင်းအနိုင်ကစားဖို့ ကျွန်တော်တို့ရည်မှန်းထားတယ်။ မလွယ်ဘူးဆိုတာ သိပေမယ့်လည်း အဲဒါ ကကျွန်တော်တို့ရဲ့ရည်မှန်းချက်ပါပဲ"ဟု အာဘီလိုအာ ကပြောသည်။
ကာလိုအန်ဆလော့တီ၏ ရီးယဲလ်အသင်းသည် ဗုဒ္ဓဟူးနေ့တွင် ဗယ်လက်ကာနိုနှင့် အဝေးကွင်းပွဲကစားရမည်ဖြစ်ပြီး စနေနေ့တွင် အီဘာကို အိမ်ကွင်း၌ လက်ခံ ကစားရမည်ဖြစ်သည်။
Ref: Goal.com
Mizzima
No comments:
Post a Comment