လီဗာပူးလ်တွင် ဆေးစစ်ရန် ပေါ်လင်ဟို ပြင်ဆင်နေ
ဆယ်ကျော်သက် ကစားသမား ပေါ်လင်ဟိုသည် အန်ဖီးလ်သို့ အပြီးသတ်ပြောင်းရွှေ့နိုင်ရန်အတွက် လီဗာပူးလ်နှင့် ဆေးစစ်မှုပြုလုပ်ရန် ပြင်ဆင်လျက်ရှိသည်။
ပေါ်တူဂီ တတိယတန်း ကလပ် ဆန်ဟိုရာနန်စီတွင် ကစားနေသည့် အသက် ၁၇ နှစ်အရွယ် ပေါ်လင်ဟိုသည် ၎င်း၏ ဖခင်နှင့် လီဗာပူးလ်အသင်းတို့ စာချုပ်ချုပ်ဆိုရန် သဘောတူညီမှု ရရှိခဲ့ပြီးနောက် မာဆေးဆိုက်သို့ ရောက်ရှိလာခဲ့သည်။
အဆိုပါ စာချုပ်ချုပ်ဆိုမှု အပြီးသတ်ပြီးသည့်နောက် ပေါ်လင်ဟို အနေဖြင့် ဆန်ဟိုရာနန်စီအသင်းသို့ ပြန်ကာ ရာသီကုန်အထိ ကစားပြီး လာမည့်နှစ် ဘောလုံးရာသီ မတိုင်မီတွင် ပရီးမီးယားလိဂ်ကလပ်သို့ ရောက်ရှိလာမည် ဖြစ်သည်။
“လပေါင်းများစွာ ဆွေးနွေးညှိနှိုင်းမှု ပြုလုပ်ပြီးတဲ့အခါမှာ ပေါ်လိုအဲလ်ဗက်စ် ပေါ်လင်ဟိုက လီဗာပူးလ်ကို ပြောင်းရွှေ့ဖို့အတွက် သဘောတူညီမှု ရခဲ့ပါတယ်။ ဒီသဘောတူညီမှုက အင်္ဂလိပ်ကလပ်မှာ စမ်းသပ်မှုတွေ ပြုလုပ်ပြီးတဲ့နောက် ရရှိခဲ့တာပါ။ လာမယ့်ရက်အနည်းငယ်အတွင်းမှာ အပြောင်းအရွှေ့ တရားဝင် ဖြစ်လာပါလိမ့်မယ်” ဟု ဆန်ဟိုရာနန်စီ အသင်းဝက်ဘ်ဆိုက်တွင် ထုတ်ပြန်ကြေညာခဲ့သည်။
Soccer Myanmar
No comments:
Post a Comment