နယူးယောက်စီးတီးအသင်းသို့ ပြောင်းရွှေ့မည့်သတင်းအား ပီယာလို ငြင်းဆန်
ဂျူဗင်တပ်စ် ကြယ်ပွင့် ကစားသမား အန်ဒရီယာ ပီယာလိုသည် မေဂျာလိဂ်ကလပ် နယူးယောက်စီးတီးသို့ ပြောင်းရွှေ့ရန် ပြင်ဆင်နေသည့် သတင်းအား ငြင်းဆိုသွားခဲ့သည်။
အသက် ၃၆ နှစ်အရွယ် ကွင်းလယ်ဖန်တီးရှင် ကစားသမားသည် လက်ရှိတွင် အမေရိကန်၌ အားလပ်ရက် အပန်းဖြေရန် ရောက်ရှိနေပြီး နွေရာသီတွင် ဂျူဗင်တပ်စ်မှ ထွက်ခွာရန် အသင့်ရှိနေသည်ဟုသော သတင်းများကို ငြင်းဆိုခဲ့သည်။
ပီယာလိုသည် နယူးယောက်သို့ ပြောင်းရွှေ့ရန် အတည်ပြုသည့် message ကို Instagram ပေါ်တွင် တင်ခဲ့သော်လည်း အဆိုပါ ရေးသားချက်သည် မိမိနှင့် မသက်ဆိုင်ကြောင်းနှင့် မိမိသည် အီတလီဘာသာစကားကို ကျွမ်းကျွမ်းကျင်ကျင် ရေးသားနိုင်သူဖြစ်ကြောင်း အီတလီ လက်ရွေးစင် ကစားသမားက ထောက်ပြပြောကြားခဲ့သည်။
“မင်္ဂလာနံနက်ခင်းပါ။ Instagram မှာ ကျွန်တော့် profile မရှိပါဘူး။ တကယ်လို့ ကျွန်တော် Instagram သုံးမယ်ဆိုရင်လည်း အီတလီစကားကို ကျကျနန ရေးသားမှာပါ” ဟု ပီယာလိုက Twitter တွင် ရေးသားခဲ့သည်။
ပီယာလိုသည် ၂၀၁၁ ခုနှစ် နွေရာသီက အေစီမီလန်မှ ဂျူဗင်တပ်စ်သို့ အလွတ်ပြောင်းရွှေ့ကြေးဖြင့် ရောက်ရှိလာခဲ့ပြီးနောက် စကူဒက်တိုဆုဖလား လေးကြိမ်ဆက်ရရှိရေးအတွက် အဓိကအခန်းကဏ္ဍမှ ပါဝင်နိုင်ခဲ့သည်။
Soccer Myanmar
No comments:
Post a Comment