ဂွာဒီယိုလာကြောင့် မက်ဒရစ်မှ ထွက်ခွာ ခဲ့ရခြင်း ဖြစ်ကြောင်း အလွန်ဆို ဖွင့်ဟ
ရီးယဲမက်ဒရစ်မှ ဘိုင်ယန်မြူးနစ်သို့ ပြောင်းရွှေ့ရန် ဆုံးဖြတ်ခဲ့ခြင်းတွင် ပပ်ဂွာဒီယိုလာက အဓိကအကြောင်းအရင်း တစ်ရပ် ဖြစ်ကြောင်း ဇာဗီအလွန်ဆိုက ပြောကြားလိုက်သည်။
အလွန်ဆိုသည် ပြီးခဲ့သည့်နှစ်က ဘွန်ဒက်စ်လီဂါ ချန်ပီယံအသင်းသို့ ပြောင်းရွှေ့ခဲ့ပြီး ယခုနှစ် ဘောလုံးရာသီတွင် အသင်း၏ အဓိက ကစားသမားအဖြစ် ပါဝင်ကစားလျက်ရှိသည်။
ထို့နောက် အလွန်ဆိုက ဘိုင်ယန်မြူးနစ်သို့ ပြောင်းရွှေ့ရန် ဆုံးဖြတ်ခဲ့ခြင်းတွင် ဂွာဒီယိုလာက အခရာကျခဲ့ကြောင်း အလွန်ဆိုက ဆိုခဲ့သည်။
“ပြီးခဲ့တဲ့နှစ် ချန်ပီယံလိဂ် ဗိုလ်လုပွဲမှာ အက်သလက်တီကိုကို အနိုင်ရခဲ့ပြီးတဲ့နောက် မတူညီတာတွေ ပြုလုပ်ဖို့အတွက် အချိန်ကျရောက်ပြီလို့ ခံစားမိခဲ့ပါတယ်။ အဲ့ဒီတုန်းက ကမ္ဘာ့အကောင်းဆုံး အသင်းတစ်သင်းကို ပြောင်းရွှေ့ပြီး စိန်ခေါ်မှုတွေနဲ့ ရင်ဆိုင်ဖို့ တွေးတောခဲ့ပါတယ်။ ဘိုင်ယန်ကို ပြောင်းရွှေ့ခဲ့တဲ့အထဲမှာ အကြောင်းအရင်းတစ်ချို့ ရှိခဲ့ပါတယ်။ ဂွာဒီယိုလာကတော့ အဓိက အကြောင်းအရင်းတစ်ခု ဖြစ်ခဲ့ပါတယ်။ သူက တိုတောင်းလှတဲ့ နည်းပြဘဝမှာပဲ အောင်မြင်မှုတွေ ရယူနိုင်ခဲ့သူ ဖြစ်ပါတယ်။ သူ့ရဲ့ လမ်းညွှန်မှုအောက်မှာ ဘောလုံးအကြောင်းကို ပိုမိုလေ့လာခွင့်ရရှိပြီး စိန်ခေါ်မှုတွေကို ရင်ဆိုင်ဖို့ ဆုံးဖြတ်ခဲ့တာပါ။ သူက ပွဲရဲ့အကြောင်းအရာအားလုံးကို နားလည်ထားသူ ဖြစ်ပါတယ်။ သူက သူ့ရဲ့ စိတ်ကူးကို ယုံကြည်ဖို့ ကစားသမားတွေကို အတင်းတိုက်တွန်းတာမျိုး မရှိပါဘူး။ သူက အရမ်းကို လေ့လာဆန်းစစ်နိုင်သူ ဖြစ်သလို နည်းစနစ်ပိုင်း ကျွမ်းကျင်သူလည်း ဖြစ်ပါတယ်” ဟု အလွန်ဆိုက ပြောကြားခဲ့သည်။
Soccer Myanmar
No comments:
Post a Comment