မိမိကြောင့် ယူနိုက်တက် ပြိုင်ပွဲမှ ထွက်ရခြင်းကို ယုံကြည်လက်ခံရန် ခက်နေဟု ဝဲလ်ဘက်ဖွင့်ဟ
မန်ချက်စတာယူနိုက်တက်နှင့် ပြန်လည်ရင်ဆိုင်ရသည်ကို နှစ်သက်သော်လည်း အသင်းဟောင်းကို အက်ဖ်အေဖလားမှ နောက်ကောက်ချခဲ့ရခြင်းအတွက် ယုံကြည်လက်ခံရန် ခက်ခဲလွန်းကြောင်း ဒန်နီဝဲလ်ဘက်က ပြောကြားလိုက်သည်။
အဆိုပါပွဲတွင် ဝဲလ်ဘက်သည် ၆၁ မိနစ်တွင် အန်တိုနီယို ဗလင်စီယာ၏ နောက်ပြန်ပေးမှုမှတစ်ဆင့် ဘောလုံးရရှိသွားခဲ့ပြီး ဒီဂီယာကို ကျော်ဖြတ်ကာ အာဆင်နယ်အတွက် ဒုတိယဂိုး သွင်းယူခဲ့သည်။ ၎င်း၏ဂိုးကြောင့် အာဆင်နယ်က အက်ဖ်အေဖလား အကြိုဗိုလ်လုပွဲတွင် ရက်ဒင်း သို့မဟုတ် ဘရတ်ဖို့ဒ်နှင့် ယှဉ်ပြိုင်ရမည် ဖြစ်သည်။ ယူနိုက်တက် လူငယ်စီမံကိန်းမှ ထွက်ပေါ်လာခဲ့သည့် အင်္ဂလန် လက်ရွေးစင် ကစားသမားသည် ပြီးခဲ့သည့်နှစ် စက်တင်ဘာလက အိုးထရတ်ဖို့ဒ်မှ အာဆင်နယ်သို့ ပြောင်းရွှေ့ခဲ့သူ ဖြစ်သည်။
“မန်ချက်စတာယူနိုက်တက်က ကျွန်တော့်အတွက် အဓိပ္ပာယ်အများကြီးရှိတဲ့ အသင်းပါ။ ကျွန်တော်က ယူနိုက်တက် ပရိသတ်တစ်ယောက် ဖြစ်တဲ့အတွက် အခုလို သူတို့ကို နောက်ကောက်ချခဲ့ရတာက အရမ်းကို ခက်ခဲပါတယ်” ဟု ဝဲလ်ဘက်က ပြောကြားခဲ့သည်။ ဆက်လက်ပြီး ဂိုးသွင်းယူပြီးနောက် အောင်ပွဲခံခဲ့ရခြင်းနှင့် ပတ်သက်၍လည်း အသက် ၂၄ နှစ်အရွယ် ယူနိုက်တက် ကစားသမားဟောင်းက “ဒီစိတ်ခံစားမှုကို ထိန်းထားဖို့ ခက်ခဲခဲ့ပါတယ်။ ယူနိုက်တက်က ကျွန်တော့်အတွက် အဓိပ္ပာယ်အများရှိတဲ့ အသင်းပါ။ ဒါကြောင့် အသင်းကို လေးစားမှုရှိကြောင်း ကျွန်တော် ကြိုးပမ်းခဲ့ပါတယ်။ အောင်ပွဲခံတာက ပရော်ဖက်ရှင်နယ် ပီသမှုနဲ့ စိတ်ဓာတ်လှုံ့ဆော်မှုကြောင့်ပါ။ ကျွန်တော်က ဘောလုံးအပေါ်မှာပဲ အာရုံစိုက်ခဲ့ပြီး အန်တိုနီယို ဗလင်စီယာရဲ့ နောက်ပြန်ပေးတဲ့ ဘောလုံးကနေ ဒေးဗစ်ဒီဂီယာကို ကျော်ဖြတ်ပြီး ဂိုးသွင်းယူနိုင်ခဲ့ပါတယ်။ အခုလို အာဆင်နယ်အသင်း နောက်တစ်ဆင့် တက်ရောက်နိုင်ခဲ့တဲ့အတွက် အရမ်းကို ကျေနပ်မိပါတယ်” ဟု ပြောကြားခဲ့သည်။
သို့သော် ဝဲလ်ဘက်သည် ပွဲအပြီးတွင် အဝတ်လဲခန်းအတွင်း နှုတ်ဆိတ်နေခဲ့ကြောင်း အာဆင်နယ် အသင်းခေါင်းဆောင် ပါမာတီဆက်ကာက ဖွင့်ဟခဲ့သည်။“ဒန်နီဝဲလ်ဘက်က ဒီနေ့ပွဲမှာ သိပ်ကိုကောင်းခဲ့တဲ့ ကစားသမားတစ်ယောက်ပါ။ ပွဲအပြီးမှာတော့ အဝတ်လဲခန်းမှာ သူနှုတ်ဆိတ်နေခဲ့ပါတယ်။ သူက အိုးထရတ်ဖို့ဒ်မှာ ကာလကြာရှည် ကစားခဲ့သူဖြစ်တာကြောင့် နာကျင်ခံစားနေရတယ်လို့ ကျွန်တော်ထင်ပါတယ်” ဟု မာတီဆက်ကာက ပြောကြားခဲ့သည်။
Soccer Myanmar
0 comments:
Post a Comment