ဒိုင်နမိုနှင့် ပွဲတွင် ဟက်ထရစ် သွင်းယူနိုင်ခဲ့သည့် အတွက် ဝမ်းမြောက်မိကြောင်း ဟီဂူအင် ဖွင့်ဟ

ဒိုင်နမိုနှင့် ပွဲတွင် ဟက်ထရစ် သွင်းယူနိုင်ခဲ့သည့် အတွက် ဝမ်းမြောက်မိကြောင်း ဟီဂူအင် ဖွင့်ဟ

ဒိုင်နမိုမော်စကိုကို ၃-၁ ဂိုးဖြင့် အနိုင်ရရှိခဲ့သည့် ယူရိုပါလိဂ်ပွဲစဉ်တွင် ဟက်ထရစ် သွင်းယူနိုင်ခဲ့သည့်အတွက် ဝမ်းမြောက်မိကြောင်း နာပိုလီ တိုက်စစ်မှူး ဂွန်ဇာလို ဟီဂူအင်က ပြောကြားလိုက်သည်။

အာဂျင်တီးနား လက်ရွေးစင် ကစားသမားသည် ဆန်ပေါ်လိုတွင် ကစားခဲ့သည့် ယူရိုပါလိဂ် နောက်ဆုံး ၁၆ သင်းအဆင့် ပထမအကျော့တွင် ဧည့်သည့်အသင်းဘက်သို့ တစ်နာရီအတွင်း ၃ ဂိုးသွင်းယူခဲ့သည်။ ထို့နောက် နှစ်ဂိုးအသာ ရလဒ်က ဒုတိယ အကျော့အတွက် အရေးပါလိမ့်မည် ဖြစ်ကြောင်း ရီးယဲမက်ဒရစ် ကြယ်ပွင့်ဟောင်းက ဆိုခဲ့သည်။

“အခုလို အနိုင်ရပြီး ဟက်ထရစ် သွင်းနိုင်ခဲ့တဲ့အတွက် ပျော်ရွှင်မိပါတယ်။ ဒိုင်နမိုမော်စကို အသင်းကို အနိုင်ရဖို့ဆိုတာ မလွယ်ကူပါဘူး။ အခုလို အိမ်ကွင်းမှာ အနိုင်ရခဲ့တဲ့အတွက် ရုရှားမှာ သွားကစားတဲ့အခါ ယုံကြည်မှုပိုရှိလာနိုင်ပါတယ်” ဟု ဟီဂူအင်က ပြောကြားခဲ့သည်။

တစ်ဆက်တည်းမှာပင် နာပိုလီ နည်းပြ ရာဖေးလ်ဘင်နီတက်ဇ်က ရုရှားတွင် ကစားရမည့် ယူရိုပါလိဂ် ဒုတိယအကျော့တွင် ပွဲကို ဆက်လက်အာရုံစိုက် ကစားရန် အသင်းသားများအား တိုက်တွန်းခဲ့သည်။

“ကျွန်တော်တို့က အရေးပါတဲ့ ခြေလှမ်းတစ်ရပ်ကို လှမ်းနိုင်ခဲ့ပါပြီ။ ဒါပေမဲ့ ရုရှားမှာ ကစားတဲ့အခါ လွယ်ကူမှာ မဟုတ်ပါဘူး။ ကျွန်တော်တို့ နောက်တစ်ဆင့်တက်ဖို့အတွက် အပြင်းအထန် ကြိုးစားရပါမယ်။ ဟီဂူအင်က ကျွန်တော်တို့အတွက် အရမ်းကို အရေးပါသူပါ။ အသင်းတစ်သင်းလုံးကလည်း ဒီညမှာ အကောင်းဆုံး ကစားခဲ့ပါတယ်။ ဂွန်ဇာလို ဟက်ထရစ် သွင်းနိုင်အောင် အသင်းဖော်အားလုံးက ကူညီခဲ့တာပါ” ဟု ဘင်နီတက်ဇ်က ပြောကြားခဲ့သည်။

Soccer Myanmar