AFC Cup အုပ်စုပွဲများအပြီး ဂိုးသွင်းအများဆုံး ကစားသမားအဖြစ် ဧရာဝတီ တိုက်စစ်မှူး ဆက်လက်ရပ်တည်

AFC Cup အုပ်စုပွဲများအပြီး ဂိုးသွင်းအများဆုံး ကစားသမားအဖြစ် ဧရာဝတီ တိုက်စစ်မှူး ဆက်လက်ရပ်တည်
Written by  သောကြာ

ရန်ကုန် (မဇ္ဈိမ)။ ။ ၂၀၁၅ AFC Cup အုပ်စု နောက်ဆုံးပွဲစဉ်များကို မေ ၁၃ ရက်က ကျင်းပပြီးစီးခဲ့ပြီး ဂိုးသွင်းအများဆုံး ကစားသမားစာရင်း ထိပ်ဆုံးတွင် ဧရာဝတီ ယူနိုက်တက်အသင်း တိုက်စစ်မှူး ရစ္စတီက ဆက်လက်ရပ်တည်နိုင်ခဲ့သည်။

မက်ဆီဒိုးနီးယား တိုက်စစ်မှူး ရစ္စတီသည် ၂၀၁၅ မြန်မာနေရှင်နယ်လိဂ် ဘောလုံးရာသီတွင် ဧရာဝတီအသင်းသို့ ရောက်ရှိလာသူဖြစ်ပြီး ၂၀၁၃ ခုနှစ်တွင် မြန်မာ နေရှင်နယ်လိဂ်ကလပ် ဇွဲကပင် အသင်းတွင် ကစားခဲ့ဖူးသည်။ တိုက်စစ်မှူး ရစ္စတီသည် မြန်မာနေရှင်နယ်လိဂ် အမှတ်ပေး ဘောလုံးပြိုင်ပွဲတွင်လည်း ဧရာဝတီအသင်းအတွက် ခုနစ်ဂိုး သွင်းယူပေးထားသလို AFC Cup အုပ်စုပွဲစဉ် အပြီးတွင်လည်း သွင်းဂိုး ၈ ဂိုးဖြင့် ဂိုးသွင်းအများဆုံး ကစားသမားအဖြစ် ရပ်တည်နေ သည်။ AFC Cup အုပ်စုပွဲစဉ်များအပြီး ဂိုးသွင်းအများဆုံး ဒုတိယနှင့် တတိယနေရာတွင် ဟောင်ကောင်ကလပ် ဆောက်ချိုင်းနားအသင်းမှ သြစတြေးလျ လူမျိုး ကစားသမား ဒန်နီရယ် မက်ဘရင်း၊ မလေးရှားကလပ် ပါဟန်းအသင်းမှ နိုက်ဂျီးရီးယားလူမျိုး ကစားသမား ဒစ်ဆန်တို့ က သွင်းဂိုး ခြောက်ဂိုးစီဖြင့် ရပ်တည်နေကြသည်။

ဂိုးသွင်း အများဆုံး စတုတ္ထနေရာတွင် အင်ဒိုနီးရှားကလပ် ပါစီပူရာအသင်းမှ အင်ဒိုနီးရှားလူမျိုး တိုက်စစ်မှူး ဆိုလိုဆာက သွင်းဂိုး ငါး ဂိုးဖြင့် ရပ်တည်နေသည်။ ထို့ပြင် ဧရာဝတီအသင်း တိုက်စစ်မှူး ဖွန်ဆီကာမှာလည်း AFC Cup ပြိုင်ပွဲတွင် အသင်းအတွက် ငါးဂိုးသွင်းယူပေးထားသည်။     ဧရာဝတီအသင်းသည် အုပ်စု နောက်ဆုံးပွဲတွင် အင်ဒိုနီးရှားကလပ် ဘန်ဒေါင်းအသင်းနှင့် အဝေးကွင်းပွဲတွင် သုံးဂိုးစီ သရေကျခဲ့သောကြောင့် အုပ်စု ဒုတိယဖြင့်သာ နောက်တစ်ဆင့်သို့ တက်နိုင်ခဲ့သည်။ အုပ်စုဒုတိယသာ ရရှိခဲ့သောကြောင့် ဧရာဝတီအသင်းသည် ၁၆ သင်း ရှုံးထွက် အဆင့်တွင် အဝေးကွင်း၌ သွားကစားရမည် ဖြစ်သည်။

ဂျိုဟိုး ကလပ်အသင်းသည် ပြီးခဲ့သည့် ၂၀၁၄ မလေးရှား စူပါလိဂ်တွင် ချန်ပီယံဖြစ်ခဲ့သလို ယခုနှစ် AFC Cup အုပ်စုပွဲစဉ်တွင်လည်း ငါးပွဲနိုင် တစ်ပွဲရှုံး ရလဒ်ဖြင့် ရမှတ် ၁၅ မှတ်ရရှိကာ ရှုံးထွက်အဆင့်သို့ တက်ရောက်လာခဲ့ပြီး ယင်းအုပ်စုတွင် တရုတ်ကလပ် ကစ်ချီအသင်းက ရမှတ် ၁၁ မှတ် အုပ်စုဒုတိယဖြင့် တက်ရောက်နိုင်ခဲ့သည်။

Mizzima