ပရီးမီးယားလိဂ် ဖလားမရဖူး၍ ဝမ်းနည်းမိသည်ဟု လီဗာပူးလ်မှ ထွက်ခွာတော့မည့် ဂျရတ်ဆို
Written by ဝေဘုန်းလူ
လီဗာပူးလ်၊ မေ ၁၄။ ။ပရီးမီးယားလိဂ်ဖလားကို တစ်ကြိမ်မှရဖူးခြင်းမရှိသည့်အတွက် ဝမ်းနည်းမိသည်ဟု လီဗာပူးလ်မှထွက်ခွာတော့မည့် အသင်းခေါင်းဆောင် စတီဗင်ဂျရတ်က ပြောဆိုလိုက်သည်။
အသက် ၃၄ နှစ်ရှိဂျရတ်သည် ဇွန်လတွင် မေဂျာလိဂ်ကလပ် အယ်လ်အေဂလက်ဇီသို့မထွက်ခွာမီ အန်ဖီးလ်ကွင်းနောက်ဆုံးပွဲအဖြစ် စနေနေ့ တွင် ခရစ္စတယ် ပဲလေ့စ်အသင်းနှင့် ရင်ဆိုင်ကစားရမည်ဖြစ်သည်။
"ပရီးမီးယားလိဂ်ဖလားမရတာက ဝမ်းနည်းစရာကောင်းသလို ကြီးမားတဲ့အရာလို့လည်း ကျွန်တော်ထင်ပါတယ်။ ကျွန်တော်ရခဲ့တာတွေ ပြီးပြည့်စုံပြီလို့ ကျွန်တော်ပြောချင်ခဲ့တာပါ"ဟု ဂျရတ် က ပြောသည်။
၁၇ ရာသီအတွင်း ပွဲပေါင်း ၇၀၀ ကျော်ကစားခဲ့သည့် လီဗာပူးလ်အသင်းနှင့် လာမည့်နွေရာသီတွင်လမ်းခွဲရခြင်းမှာ ထင်ထားသည့်အချိန်ထက် အနည်းငယ် ပိုစောခဲ့သည် ဟုလည်း ဂျရတ်ကဝန်ခံခဲ့သည်။
ပြီးခဲ့သည့်ရာသီက လီဗာပူးလ်အသင်းသည် ၁၉၉၀ နောက်ပိုင်း အမှတ်ပေးချန်ပီယံဖြစ်ရန်နီးစပ်ခဲ့သော်လည်း ချယ်လ်ဆီးနှင့်ပွဲတွင် ဂျရတ် ခြေချော်လဲကျ ခဲ့ခြင်းနှင့်အတူ ၂-၀ ဂိုးဖြင့်ရှုံးနိမ့်သောကြောင့် ချန်ပီယံမန်စီးတီးနှင့် နှစ်မှတ်အကွာ ဒုတိယနေရာဖြင့်သာ ကျေနပ်ခဲ့ရသည်။
"ဘဝမှာကောင်းတဲ့အချိန်တွေရှိသလို နာကျင်ရတဲ့အချိန်တွေလည်း ရှိမှာပဲလေ။ ကျွန်တော်ဟာ အက်ဖ်အေဖလား နောက်ထပ် ဗိုလ်လုပွဲတစ်ကြိမ်လွဲခဲ့ရသလို ၂၀၀၇မှာ ဒုတိယအကြိမ်မြောက် ချန်ပီယံလိဂ်ဖိုင်နယ်အခွင့်အရေးကိုလည်း လွဲခဲ့ရဖူးတယ်။ ဘယ်သူမှ ဖြောင့်ဖြူးတဲ့ ခရီးလမ်းဆိုတာ မရှိပါဘူး။ ကျွန်တော့်မှာ လည်း မရှိပါဘူး။ ဒါကိုကျွန်တော်ဘာမှမပြောင်းလဲနိုင်ခဲ့ပေမယ့်လည်း ဂုဏ်ယူစိတ်တော့ ဖြစ်မိပါ တယ်"ဟု ဂျရတ် က ပြောသည်။
ဂျရတ်သည် ချန်ပီယံလိဂ်၊ ယူအီးအက်ဖ်အေဖလား၊ အက်ဖ်အေဖလားနှစ်လုံး၊ လိဂ်ဖလားသုံးလုံးရယူနိုင်ခဲ့သည့် လီဗာပူးလ်ကိုစွန့်ခွာပြီး အမေရိကန်ကလပ်နှင့် ၁၈ လသက်တမ်း စာချုပ်မည်ဖြစ်သည်။
Ref; BBC
Mizzima
0 comments:
Post a Comment