အက်သလက်တီကို မက်ဒရစ်တွင်သာ ဆက်ရှိနေမည်ဟု ကိုကီ ပြောကြား
အက်သလက်တီကို မက်ဒရစ် ကွင်းလယ်ကစားသမား ကိုကီက မိမိအနေဖြင့် လာမည့်နှစ် ဘောလုံးရာသီတွင် အသင်း၌သာ ဆက်လက်ရှိနေမည်ဟု ပြောကြားလိုက်သည်။
စပိန် ကွင်းလယ်ကစားသမားသည် နွေရာသီ အပြောင်းအရွှေ့ကာလတွင် အသင်းဖော်ဟောင်း ဒီယေဂို ကော်စတာနှင့် ဖိလစ်ပီလူးဝစ်တို့ရှိရာ ချယ်ဆီးသို့ ပြောင်းရွှေ့ရန် ချိတ်ဆက်ခံနေရကြောင်း သတင်းများ ထွက်ပေါ်လာခဲ့သည်။
သို့သော်လည်း ကိုကီက မိမိအနေဖြင့် လန်ဒန်သို့ ပြောင်းရွှေ့မည် မဟုတ်ကြောင်းနှင့် စတမ်းဖို့ဒ်ဘရစ်ခ်ျတွင် ပွဲထွက်ခွင့်ရရန် ရုန်းကန်နေရာသည့် ဘရာဇီးလ် နောက်ခံကစားသမား အနေဖြင့် စပိန်သို့ ပြန်လာပါက ကြိုဆိုသွားမည် ဖြစ်ကြောင်း ဆိုခဲ့သည်။
“ကျွန်တော် ဒီမှာပဲ ဆက်ရှိနေမှာပါ။ ဖိလစ်ပီလူးဝစ်က အသင်းဖော် တစ်ယောက်ထက် ပိုပါတယ်။ သူက ကျွန်တော့် သူငယ်ချင်းပါ။ ဒီကို သူပြန်လာမယ်ဆိုရင် ကြိုဆိုသွားမှာပါ” ဟု ကိုကီက ပြောကြားခဲ့သည်။
အက်သလက်တီကိုသည် ယခုနှစ် ဘောလုံးရာသီတွင် လာလီဂါ ချန်ပီယံဆုကို ကာကွယ်နိုင်ခဲ့ခြင်း မရှိသလို ချန်ပီယံလိဂ်တွင်လည်း ကွာတားဖိုင်နယ်အဆင့်မှ ထွက်ခွာခဲ့ရသည်။
၎င်းအသင်းသည် လာလီဂါ အမှတ်ပေးဇယားတွင် တတိယနေရာ၌ ရပ်တည်နေပြီး အဆင့်လေးမှ ဗလင်စီယာနှင့် ၄ မှတ်ကွာဟလျက်ရှိသည်။
Soccer Myanmar
0 comments:
Post a Comment