ပြင်သစ်လိဂ်-၁ ဖလားကို ပီအက်စ်ဂျီအသင်း သုံးနှစ်ဆက်တိုက် သိမ်းပိုက်

ပြင်သစ်လိဂ်-၁ ဖလားကို ပီအက်စ်ဂျီအသင်း သုံးနှစ်ဆက်တိုက် သိမ်းပိုက်
Written by  အောင်ငြိမ်းသွေး

(ပြင်သစ်)။ ။ ပွဲစဉ် ၃၇ တွင် ပီအက်စ်ဂျီအသင်းသည် မောင့်ပယ်လီယာအသင်းကို ၁-၂ ဂိုးဖြင့် အဝေးကွင်းတွင် အနိုင်ရရှိခဲ့ပြီးနောက်
ပြင်သစ်လိဂ်-၁ အမှတ်ပေးဖလားကို သုံးနှစ်ဆက်တိုက် သိမ်းပိုက်ရရှိသွားခဲ့သည်။

ဒုတိယနေရာမှ လိုင်ယွန်အသင်းသည် ဘော်ဒိုးအသင်းနှင့် ၁-၁ ဂိုးဖြင့် သရေကျခဲ့သည့်အတွက် ပီအက်စ်ဂျီအသင်းနှင့် ရှစ်မှတ်ကွာဟခဲ့ပြီး ပွဲစဉ်တစ်ပွဲအလိုတွင် ချန်ပီယံအဖြေပေါ်သွားခြင်း ဖြစ်သည်။

ပီအက်စ်ဂျီအသင်းအတွက် အနိုင်ဂိုးများကို မာကျူဒီနှင့် လာဗက်ဇီတို့က သွင်းယူပေးခဲ့ပြီး မောင့်ပယ်လီယာအတွက် ချေပဂိုးတစ်ဂိုးကို မိုနီယာက သွင်းယူပေးခဲ့သည်။

လက်ရှိအချိန်တွင် ပီအက်စ်ဂျီအသင်းသည် ပြင်သစ်လိဂ်-၁ ဖလားနှင့် ပြင်သစ်လိဂ်ရှုံးထွက်ဖလားတို့ကို ရရှိခဲ့ပြီး ဖြစ်သည်။ ထို့အပြင် ပြင်သစ် အက်ဖ်အေဖလားဗိုလ်လုပွဲသို့ ရောက်ရှိနေသည့်အတွက် တစ်ရာသီအတွင်း ပြည်တွင်းဆုဖလားသုံးလုံး ရရှိမည့် လမ်းကြောင်းပေါ်သို့ ရောက်ရှိနေသည်။

ပြင်သစ်အက်ဖ်အေဖလား ဗိုလ်လုပွဲစဉ်အဖြစ် ယခုလအကုန်တွင် အော်ဇေးအသင်းနှင့် ယှဉ်ပြိုင်ကစားရမည် ဖြစ်သည်။

ယခု ပြင်သစ်လိဂ်တွင် ပီအက်စ်ဂျီအသင်းနှင့် လိုင်ယွန်အသင်းတို့မှာ ချန်ပီယံလိဂ်တိုက်ရိုက်ဝင်ခွင့်ရရန် သေချာသွားခဲ့ပြီး မိုနာကို(၆၈ မှတ်)၊ မာဆေးလ်(၆၆ မှတ်)နှင့် စိန့်အက်တီနီ (၆၆ မှတ်) တို့မှာ လက်ကျန်ချန်ပီယံလိဂ် ၀င်ခွင့်တစ်နေရာအတွက် ယှဉ်ပြိုင်ရမည် ဖြစ်သည်။ ထိုသုံးသင်းမှ တစ်သင်းပင် ယူရိုပါလိဂ်ဝင်ခွင့်ရမည် ဖြစ်သည်။

အမှတ်ပေးဇယား အောက်ဆုံးမှ လန်းစ်၊ မက်ဇ်နှင့် အီဗီယန်တို့မှာလည်း တန်းဆင်းသွားခဲ့ပြီ ဖြစ်သည်။

ရည်ညွှန်း - ဒေးလီးမေးလ်

Mizzima