ဒီဂီယာထွက်ခွာသွားပါက အစားထိုးနိုင်မည့် ဂိုးသမားစာရင်းကို လျာထားပြီးဟု ဗန်ဟားပြော
Written by အောင်ငြိမ်းသွေး
အင်္ဂလန်၊ မေ ၁၆။ ။ အသင်းအတွက် အားထားရသည့် ဂိုးသမား ဒီဂီယာအနေဖြင့် အသင်းမှထွက်ခွာရန် ဆုံးဖြတ်ခဲ့ပါက အစားထိုးနိုင်မည့် ဂိုးသမားစာရင်းကို လျာထားပြီးဖြစ်ကြောင်း မန်ယူအသင်းနည်းပြ ဗန်ဟားက ပြောဆိုလိုက်သည်။
ဒီဂီယာသည် စပိန်ထိပ်သီးရီးယဲလ်အသင်းသို့ ပြောင်းရွှေ့ရန် ပုဂ္ဂိုလ်ရေးအရ သဘောတူညီမှု ရရှိပြီးဖြစ်သည်ဟု သတင်းများထွက်ပေါ်ခဲ့ပြီး ဒီဂီယာကလည်း ရီးယဲလ်သို့ ပြောင်းလိုကြောင်း ၀န်ခံထားသည်။
ယခုနှစ်ရာသီတွင် ပရီးမီးယားလိဂ်အကောင်းဆုံး အသင်း၏ ဂိုးသမားအဖြစ် ရွေးချယ်ခံ ခဲ့ရသော ဒီဂီယာကို မန်ယူ အသင်းက ဆက်လက် ထိန်းသိမ်း ထားရန် အလိုရှိနေပြီး ကမ္ဘာပေါ်ရှိ ဂိုးသမားအားလုံးထက် များပြားသော လစာငွေဖြင့် စာချုပ်သစ်ချုပ်ရန် ကမ်းလှမ်းထားသည်။ ဒီဂီယာ၏ လက်ရှိစာချုပ်မှာ တစ်နှစ် သာ ကျန်ရှိတော့သည့်အတွက် စာချုပ်သစ်ကို လက်မခံခဲ့ပါက မန်ယူအသင်းအနေဖြင့် ၎င်းကို ရောင်းချမည် ဖြစ်သည်။
မန်ယူနည်းပြ ဗန်ဟားလ်က 'ကျွန်တော်တို့ ဒီဂီယာကို ဆက်လက်ထိန်းသိမ်းထားလိုပါတယ်။ ဒါပေမဲ့ သူအသင်းမှာ ဆက်ပြီး နေလိုမှပါ။ ခုအချိန်အထိ ဒီဂီယာ ဘာကြောင့် ဆုံးဖြတ်ချက်မချသေးတာလဲဆိုတာတော့ ကျွန်တော်မသိပါဘူး။ သူ့နေရာမှာ အစားထိုးနိုင်မယ့် ဂိုးသမားစာရင်း ကျွန်တော်တို့ဆီမှာ ရှိပြီးသားပါ။ ဂိုးသမားနေရာမှမဟုတ်ပါဘူး။ နေရာအားလုံးအတွက် ကျွန်တော်တို့ဆီမှာ သင့်တော်တဲ့ ကစားသမားစာရင်းရှိပါတယ်။ ဒီဂီယာအနေနဲ့ စာချုပ်သစ်မှာ လက်မှတ်ရေးထိုးလိမ့်မယ်လို့ မျှော်လင့်ပါတယ်' ဟု ပြောသည်။
မန်ယူအသင်းသည် ဒီဂီယာ၏နေရာတွင် အစားထိုးရန်အတွက် စပါးဂိုးသမား ဟူဂိုလောရစ်နှင့် စတုခ်စီးတီးဂိုးသမား ဘီဂိုဗစ်တို့ကို လျာထားသည် ဟု ဒေးလီးမေးလ်သတင်းစာ ကဖော်ပြသည်။
ဒီဂီယာသည် ၂၀၁၁ ခုနှစ်က ပြောင်းရွှေ့ကြေး ပေါင် ၁၇.၈ သန်းဖြင့် အက်သလက်တီကိုအသင်းမှ မန်ယူသို့ ပြောင်းရွှေ့လာသူ ဖြစ်သည်။
Ref: Daily Mail
Mizzima
0 comments:
Post a Comment