လာမည့် ရာသီတွင် ရီးယဲလ်မက်ဒရစ် နည်းပြအဖြစ် ဆက်ရှိရန် မသေချာဟု အန်ဆလော့တီဝန်ခံ
Written by ဝေဘုန်းလူ
(မက်ဒရစ်)။ ။ လာမည့်ရာသီတွင် ရီးယဲလ်မက်ဒရစ် နည်းပြအဖြစ် ဆက်ရှိနိုင်မည်လားဆိုသည်ကို မသိကြောင်း ကာလိုအန်ဆလော့တီက ဝန်ခံပြောဆိုလိုက်သည်။
အန်ဆလော့တီသည် အသင်းကို စပိန်ဘုရင့်ဖလားနှင့် ချန်ပီယံလိဂ်ဖလားရယူးပေးပြီး နောက်ရာသီမှာပင် ဖလားလက်မဲ့ ရာသီတစ်ခုကို ကျော်ဖြတ်ရမည့် အရေးနှင့် ရင်ဆိုင်လာရသည်။
ယင်းအခြေအနေမျိုးတွင် ရီးယဲလ်မက်ဒရစ်အသင်းသည် အပြောင်းအလဲလုပ်လေ့ရှိရာ အန်ဆလော့တီက ရာသီကုန်တွင် ၎င်းဘယ်ရောက် မည်မသိဟု ပြောဆိုလိုက်သည်။
"ကျွန်တော်ဒီမှာ ဆက်ရှိမလား ကျွန်တော် မသိပါဘူး။ ၁၅ ရက်နဲ့ နှစ်ပွဲပဲ ကျန်ပါတော့တယ်။ ပြီးရင်တော့ ကလပ်နဲ့ ဆွေးနွေးသွားမှာပါ" ဟု အန်ဆလော့တီက ပြောသည်။
ရီးယဲလ်မက်ဒရစ်အသင်းအနေဖြင့် လာလီဂါ လက်ကျန်နှစ်ပွဲလုံး အနိုင်ရပြီး ဘာစီလိုနာက ခြေချော်လျှင် လာလီဂါဖလား ရနိုင်သေးသော်လည်း လက်ရှိတွင် အန်ဆလော့တီဆုဖလား မရနိုင်ဆိုသည့် လောင်းကြေးများသာ များပြားနေသည်။
REF : Daily Mail
Mizzima
0 comments:
Post a Comment