ပရိသတ်များ ကွင်းတွင်းဝင်ရောက် အောင်ပွဲခံ၍ အက်စတွန်ဗီလာ ပေါင်နှစ်သိန်း ဒဏ်ရိုက်ခံရ
Written by ဝေဘုန်းလူ
(ဘာမင်ဂမ်)။ ။ ဝက်စ်ဘရွန်းနှင့် ကစားခဲ့သော အက်ဖ်အေဖလား ကွာတားပွဲစဉ်တွင် ပရိသတ်များ ကွင်းအတွင်း ဝင်ရောက်အောင်ပွဲခံခဲ့သဖြင့် အက်စတွန်ဗီလာ အသင်းကို အင်္ဂလန် ဘောလုံးအဖွဲ့ချုပ် အက်ဖ်အေက ပေါင်နှစ်သိန်း ဒဏ်ရိုက်လိုက်သည်။
မတ်လ ၇ ရက်တွင် ကစားခဲ့သော ယင်းပွဲ၌ ထပ်ဆောင်းအချိန်ပိုနှင့် ပွဲပြီးချိန်တွင် အက်စတွန်ဗီလာ ပရိသတ်အချို့သည် ကွင်းအတွင်းဝင် ရောက်ခဲ့သလို အဝေးကွင်းပွဲကြည့် စင်ဘက်အခြမ်း၌လည်း ထိုင်ခုံများပြန့်ကျဲနေခဲ့သည်။
အက်စတွန်ဗီလာအသင်းသည် ဝက်စ်ဘရွန်းကို ၂-၀ ဂိုးဖြင့်အနိုင်ရခဲ့ပြီး ဆီမီးတွင် လီဗာပူးလ်ကို ဆက်လက်အနိုင်ရခဲ့ရာ မေ ၃၀ တွင် အာဆင် နယ်အသင်းနှင့် ဗိုလ်လုပွဲကစားရမည် ဖြစ်သည်။
ဒဏ်ငွေအပြင် အနာဂါတ်တွင် အလားတူဖြစ်ရပ်မျိုး ပေါ်ပေါက်ခြင်း မရှိစေရန် အက်ဖ်အေက သတိပေးခဲ့သည်။ ယင်းဖြစ်ရပ်ပေါ်ပေါက်ခဲ့သည့် ပွဲအပြီးတွင် အက်စတွန်ဗီလာအသင်းက တောင်းပန်ခဲ့ပြီး ကိုယ့်ကိုယ်ကိုယ် ထိန်းချုပ်နိုင်ခြင်း မရှိသူများကြောင့် အကျည်းတန်ခဲ့ရသည်ဟု ကြေညာခဲ့သည်။
REF : BBC
Mizzima
0 comments:
Post a Comment