ယူနိုက်တက်၏ စိတ်ဝင်စားမှုကို တွန်းလှန်ရန် ရာမို့စ်အတွက် ခေါ်ဈေးကို ပေါင်(၆၅)သန်းထိ ရီးယဲလ်မြှင့်တင်သတ်မှတ်
ရီးယဲလ်မက်ဒရစ် အသင်းသည် မန်ချက်စတာ ယူနိုက်တက်ထံမှ ချဉ်းကပ်လာမှုကို တွန်းလှန်ရန်အတွက် ခံစစ်မှူး ဆာဂျီယို ရာမို့စ်၏ ပြောင်းရွှေ့ကြေးကို ပေါင်စတာလင် (၆၅)သန်းထိ မြှင့်တင် သတ်မှတ်လိုက်ကြောင်း သိရှိရသည်။
အင်္ဂလန် ကလပ်သည် အသက်(၂၉)နှစ်အရွယ် စပိန်လက်ရွေးစင်ကို ပေါင်စတာလင် (၃၅)သန်းတန် ကမ်းလှမ်းမှုတစ်ရပ် ပြုလုပ်ခဲ့သော်လည်း ရီးယဲလ်က ငြင်းပယ်ထားလိုက်သည်။ ရီးယဲလ်သည် ယူနိုက်တက်၏ စပိန်လက်ရွေးစင် ဂိုးသမား ဒေးဗစ်ဒီဂီယာကို ဝယ်ယူရန် ကြိုးပမ်းလျက် ရှိနေရာ ယူနိုက်တက်က ရာမို့စ်ကို ရောင်းချမှ ဒီဂီယာကို ပြန်လည် လက်လွှတ်မည့် သဘောမျိုး အကြောင်းပြန်ထားသည်။ ထို့အပြင် စာချုပ်သက်တမ်း တစ်နှစ်သာ ကျန်တော့သည့်တိုင် ရီးယဲလ်က ဒီဂီယာကို ဝယ်ယူမည်ဆိုလျှင် ပေါင်စတာလင် (၃၅)သန်းထိ ပေးချေရမည်ဆိုသော ခြိမ်းခြောက်မှုမျိုးဖြင့်လည်း ယူနိုက်တက် တုံ့ပြန်ထားကြောင်း သတင်းများက ဖော်ပြခဲ့သည်။
ရီးယဲလ်သည် ရာမို့စ်ကို ဆက်လက် ထိန်းသိမ်းထားလိုသော်လည်း ကစားသမား ကိုယ်တိုင်က အသင်း၏ လုပ်ခလစာ သတ်မှတ်ချက် မညီမျှမှုအပေါ် မကျေမနပ် ဖြစ်နေပြီး ဘာနေဗျူးကို စွန့်ခွာရန် ဆန္ဒရှိနေကြောင်း ကောလာဟလများ ထွက်ပေါ်နေသည်။ ဒီဂီယာကလည်း မွေးရပ်ဇာတိ မက်ဒရစ်သို့ ပြန်သွားရန် လိုလားနေရာ ယူနိုက်တက်က အဆိုပါ အခြေအနေတွင် ကစားသမား အပြန်အလှန် ဖလှယ်ပြောင်းရွှေ့မှု ဖြစ်မြောက်ရန် မျှော်လင့်လျက် ရှိသည်။ ရာမို့စ်သည် ရီးယဲလ်၌ (၁၀)နှစ်ကြာမျှ ကစားခဲ့သော်လည်း ပြီးခဲ့သည့် လပိုင်းများအတွင်း အသင်း၌ ဖြစ်ပေါ်ခဲ့သော အပြောင်းအလဲ အခြေအနေများအပေါ် စိတ်အနှောင့်အယှက် ဖြစ်နေကြောင်းလည်း သိရှိရသည်။
Soccer Myanmar
0 comments:
Post a Comment