Pages

Subscribe:

Friday, July 17, 2015

မန်စီးတီးမှ ကြယ်ပွင့်များနှင့် တွဲဖက်ကစားရ၍ စတာလင် ခြေစွမ်းပိုပြနိုင်မည်ဟု ကွမ်ပနီ မှတ်ချက်ပြု-



မန်စီးတီးမှ ကြယ်ပွင့်များနှင့် တွဲဖက်ကစားရ၍ စတာလင် ခြေစွမ်းပိုပြနိုင်မည်ဟု ကွမ်ပနီ မှတ်ချက်ပြု-

ထိပ်တန်းကြယ်ပွင့် ကစားသမားများနှင့် တွဲဖက် ကစားခွင့် ရသည့်နောက် ရာဟင်မ်စတာလင်၏ ခြေစွမ်း ပိုမို တောက်ပလာမည်ဟု မန်ချက်စတာစီးတီး အသင်းခေါင်းဆောင် ဗင်းဆင့်ကွမ်ပနီက မှတ်ချက်ပြု ပြောကြားလိုက်သည်။

စတာလင်သည် လီဗာပူးလ်မှ မန်စီးတီးသို့ စတာလင်ပေါင် (၄၉)သန်းတန် ပြောင်းရွှေ့ကြေး တစ်ရပ်ဖြင့် ယခုသီတင်းပတ်အတွင်း ကူးပြောင်း ရောက်ရှိလာသည်။ ဘယ်လ်ဂျီယံ လက်ရွေးစင် ဗဟိုနောက်ခံလူ ကွမ်ပနီက အစ်တီဟတ်တွင် စတာလင် အနေဖြင့် ထိပ်တန်းအဆင့် ကြယ်ပွင့်များနှင့် တွဲဖက် ကစားရမည်ဖြစ်ပြီး ယင်းအတွက် ကောင်းကျိုး ခံစားရလိမ့်မည်ဟု ထောက်ခံ ဟောကိန်းထုတ်ခဲ့သည်။ အထူးသဖြင့် မန်စီးတီး၏ အားကောင်းသော တိုက်စစ်အင်အားစုနှင့် ပေါင်းစပ်လိုက်ခြင်းက စတာလင်၏ အတောက်ပဆုံး အရည်အသွေးများကို ပြန်လည် ရရှိလာစေမည်ဟု ကွမ်ပနီက ယုံကြည်နေသည်။

ကွမ်ပနီက “ကျွန်တော်တို့အတွက်တော့ ကြီးကျယ်တဲ့ ဖြည့်တင်းမှု တစ်ရပ်ပဲ။ အခမ်းနားဆုံး အခြေအနေ တစ်ခုကတော့ စတာလင်ကို ကျွန်တော်တို့ အသင်းမှာ မြင်ခွင့်ရခဲ့ပြီ။ အထူးသဖြင့် မနှစ်က မတိုင်မီ ရာသီမှာ သူကစားခဲ့တဲ့ ပုံစံက သူ့ကို ခေါ်ယူရတဲ့ အဓိက အကြောင်းရင်း တစ်ချက်ပါပဲ။ အဲဒီတုန်းက လူးဝစ်ဆွာရက်ဇ်နဲ့ သူနဲ့ အတွဲအဖက် မိခဲ့သလို လီဗာပူးလ် ကစားတာ အရမ်းကောင်းခဲ့တယ်”ဟု ဆိုသည်။ ၎င်းက “ဆွာရက်ဇ် ထွက်သွားချိန်မှာ အခက်အခဲတွေ ရှိခဲ့တယ် ဆိုပေမယ့် မန်စီးတီးမှာကျတော့ ဒီလို တည်ဆောက်ပုံမျိုးက ရှိနှင့်ပြီးသားပါ။ ကျွန်တော် ပြောချင်တာက တိုက်စစ်မှူး ဆာဂျီယို အဂူရို ရှိတယ်။ ဝီလ်ဖရိုက်ဒ်ဘိုနီကို ခေါ်ထားသေးတယ်။ အသင်းမှာ သူနဲ့ ချိတ်ဆက် ကစားနိုင်သူ အများကြီး ရှိတယ်လေ”ဟုလည်း မှတ်ချက်ပြုခဲ့သည်။

ကွမ်ပနီက “အသင်းမှာက အရည်အချင်းကောင်းတွေ အများကြီး ရှိပြီးသား။ ဒါပေမဲ့ ဒီနေ့ခေတ်မှာက ကိုယ့်အနေနဲ့ နှစ်တိုင်းနှစ်တိုင်း ပိုတိုးတက်လာအောင် မလုပ်နိုင်ရင် ကျန်ခဲ့မှာပဲ။ တခြားပြိုင်ဘက် အသင်းတွေက တောက်လျှောက် တိုးတက်လာနေတာလေ။ ကျွန်တော်တို့ အသင်းရဲ့ တိုးတက် ဖြစ်ထွန်းမှုကို စတာလင်က အရှိန်မြှင့်ပေးလိမ့်မယ်။ သူ့ကို ခေါ်ယူလိုက်ခြင်းက ဆုဖလားတွေ ဆွတ်ခူးရယူနိုင်တဲ့ အသင်းတစ်ခု အနေနဲ့ ကျွန်တော်တို့ ပြန်လည် ရပ်တည်နိုင်အောင် အထောက်အကူ ဖြစ်စေမှာပါ။ ဒါက အသင်းအတွက်လည်း သိပ်အရေးကြီးပါတယ်”ဟု ပြောကြားသွားသည်။

soccer myanmar

@ pumta

0 comments:

Post a Comment