ယူနိုက်တက်သို့ ပြောင်းရွှေ့ရန် ရှဝိန်းစတိုင်ဂါ သဘော တူညီလိုက်ပြီဟု သတင်းများ ထွက်ပေါ်--
မန်ချက်စတာ ယူနိုက်တက် အသင်းသည် ဘိုင်ယန်မြူးနစ် ကွင်းလယ်လူ ဘက်စတိန်း ရှဝိန်းစတိုင်ဂါကို ခေါ်ယူရန် သဘော တူညီမှု ရရှိ သွားပြီဟု သတင်းများ ထွက်ပေါ်လာသည်။
ဂျာမန်နှင့် အင်္ဂလန် မီဒီယာ အချို့က အသက်(၃၀)အရွယ် ရှဝိန်းစတိုင်ဂါကို ယူနိုက်တက်က တစ်နှစ်လုပ်ခ ပေါင်စတာလင် (၇.၂)သန်း ပေးချေကာ (၃)နှစ် စာချုပ်သွားဖွယ် ရှိနေကြောင်း ဖော်ပြခဲ့သည်။ ရှဝိန်းစတိုင်ဂါနှင့် ယူနိုက်တက်တို့ကြား ပုဂ္ဂိုလ်ရေး သဘော တူညီမှု ရရှိထားသော်လည်း ဂျာမန်ချန်ပီယံ အသင်းက ပေါင်စတာလင် (၁၅)သန်းတန် ကမ်းလှမ်းမှုမျိုးကို စောင့်မျှော်နေဖွယ်ရှိကြောင်း သိရသည်။ ဂျာမန် သတင်းစာ Bildက ရှဝိန်းစတိုင်ဂါသည် ဆရာဟောင်း လူးဝစ်ဗန်ဂါးလ်နှင့် တစ်ကျော့ပြန် ပူးပေါင်းရန် ဆန္ဒရှိကြောင်း ဘိုင်ယန်အသင်း တာဝန်ရှိသူများထံ အသိပေးပြီး အင်္ဂလန်သို့ သွားရောက်ရန် အသင့်ရှိနေပြီဟု ဖော်ပြခဲ့သည်။
အကယ်၍ အသင်းနှစ်ခုကြား ပြောင်းရွှေ့ကြေး သဘော တူညီမှု ရရှိပါက ရှဝိန်းစတိုင်ဂါသည် အိုးလ်ထရက်ဖို့ဒ်သို့ လျင်လျင်မြန်မြန် ရောက်ရှိလာနိုင်သည်။ သို့သော်လည်း ယူနိုက်တက် အသက်(၃၀)ကျော် ကစားသမား တစ်ယောက်အတွက် မြင့်မားသည့် ပြောင်းရွှေ့ကြေးမျိုး ပေးချေရန် အတန်ငယ် ဆုတ်ဆိုင်းလျက် ရှိသည်။ ဗန်ဂါးလ်သည် အသင်း လူစာရင်းကို ဘက်ညီမျှတစွာ တည်ဆောက်ရန် ကြိုးပမ်းနေရာ မမ်းဖစ်ဒီပေး ကဲ့သို့ လူငယ်ခြေတက်များ အပြင် အသင်းကို ထိန်းကျောင်း ဦးဆောင်မည့် ရှဝိန်းစတိုင်ဂါ ကဲ့သို့ ဝါရင့် ကစားသမားမျိုးကိုပါ ခေါ်ယူရန် ပြင်ဆင်နေခြင်း ဖြစ်သည်။
ယူနိုက်တက်သည် တိုရီနိုမှ အီတလီ လက်ရွေးစင် ညာနောက်ခံလူ မက်တီယို ဒါမီယန်ကို ဝယ်ယူရန်လည်း သဘော တူညီမှု ရရှိထားပြီး ယခုရက်ပိုင်းအတွင်း အပြီးသတ် စာချုပ်သွားဖွယ် ရှိနေကြောင်း သိရှိရသည်။
Soccer Myanmar
Pumta
0 comments:
Post a Comment