မဲခေါင်-ဂျပန် ဖိတ်ခေါ်ပြိုင်ပွဲတွင် မြန်မာ ယူ-၁၅ အသင်း အဆင့် ခြောက်နေရာ ရရှိ
ရွှေဘုတ်
ဇူလိုင် ၃၊ ရန်ကုန်။ ။ ဂျပန်နိုင်ငံအိုဆာကာမြို့တွင် ကျင်းပပြုလုပ်ခဲ့သည့် ၂၀၁၅ ဂျပန်- မဲခေါင် ယူ-၁၅ ဘောလုံးပြိုင်ပွဲ ၀င်ရောက် ယှဉ်ပြိုင်ခဲ့သည့် မြန်မာ့လက်ရွေးစင် ယူ-၁၅ အသင်းသည် ပဉ္စမနေရာလုပွဲ၌ ဂျပန်ကလပ် ကိုဘေးအသင်းကို ၂-၁ ဖြင့် ရှုံးနိမ့်ကာ အဆင့်ခြောက်နေရာသာ ရရှိခဲ့သည်။
အဆိုပါပြိုင်ပွဲတွင် ဂျပန် ယူ-၁၅ အသင်းက ဗိုလ်လုပွဲ၌ ဟီရိုရှီးမားကလပ် ယူ-၁၅ အသင်းကို ၂-၀ အဖြင့် အနိုင်ရကာ ဗိုလ်စွဲနိုင်ခဲ့ သည်။ ယင်းပြိုင်ပွဲသည် မဲခေါင် ဒေသတွင်းနိုင်ငံများ အပါအ၀င် အာရှ နိုင်ငံများ အတွင်းရှိ ကလေးငယ် များ၏ ဘောလုံးအဆင့် အတန်း ဖွံ့ဖြိုးတိုးတက်ရေးနှင့် ဂျပန်နိုင်ငံနှင့် မဲခေါင် ဒေသတွင်းနိုင်ငံများ အကြား ချစ်ကြည် ရင်းနှီးမှု အတွက် ကျင်းပခြင်းဖြစ် သည်။
မြန်မာ့လက်ရွေးစင် ယူ-၁၅ အသင်းသည် လက်ရှိတွင် နည်းပြချုပ်အဖြစ် ဦးတင်မောင်ဝင်း၊ လက်ထောက်နည်းပြအဖြစ် ဦးရဲဝင့်သူ တို့က တာဝန်ယူကိုင်တွယ်လျက်ရှိပြီး ကစားသမားများအဖြစ် ထက်ဝေလျံစိုး၊ အောင်မြင့်မြတ်၊ အောင်ဝဏ္ဏစိုး၊ မြင့်မြတ်သူ ၊ အောင်အောင်ဇင်၊ ပြည့်ဖြိုးမောင်၊ ဘိုဘိုအောင်၊ သက်ပိုင်ထွေး၊ မြတ်ကောင်းခန့်၊ သီဟဇော်၊ ပြည့်စုံနိုင်၊ ထွန်းဆိုင်၊ ထက်ဖြိုးဝေ၊ ဟိန်းထက်အောင်၊ ၀င်းနိုင်ထွန်း၊ သက်ပိုင်ထူး၊ ကျော်ကျော်ထက် တို့ သွားရောက်ယှဉ်ပြိုင်ခဲ့ကြသည်။
မြန်မာ ယူ-၁၅ အသင်းသည် မဲခေါင်-ဂျပန် ယူ-၁၅ ပြိုင်ပွဲတွင် လေးပွဲယှဉ်ပြိုင်ကစားကာ တစ်ပွဲနိုင် တစ်ပွဲသရေ နှစ်ပွဲရှုံး ရလဒ် ရရှိရန် စွမ်းဆောင်နိုင်ခဲ့သည်။
မဲခေါင်- ဂျပန် ယူ-၁၅ ပြိုင်ပွဲ ပွဲစဉ်များအားလုံးပြီးဆုံးချိန်၌ ဂျပန် ယူ-၁၅ အသင်းက အဆင့် တစ်၊ ဟီရိုရှီးမားကလပ်အသင်းက အဆင့် နှစ်၊ ဗီယက်နမ်အသင်းက အဆင့် သုံး၊ လာအိုအသင်းက အဆင့် လေး၊ ကိုဘေးကလပ်အသင်းက အဆင့် ငါး၊ မြန်မာအသင်းက အဆင့် ခြောက်၊ ထိုင်းအသင်းက အဆင့် ခုနစ်၊ ကမ္ဘောဒီးယားအသင်းက အဆင့် ရှစ် နေရာတို့တွင် အသီးသီးရပ်တည်နိုင်ခဲ့သည်။
Mizzima
0 comments:
Post a Comment