AFC Cup ရှုံးထွက် အဆင့်တွင် မလေးရှားကလပ် ဂျိုဟိုးနှင့် ဧရာဝတီအသင်း ရင်ဆိုင်ရမည်
Written by ရွှေဘုတ်
ရန်ကုန် (မဇ္ဈိမ)။ ။ ၂၀၁၅ AFC Cup ပြိုင်ပွဲတွင် အသင်းသမိုင်းတလျှောက် အုပ်စုအဆင့်မှ ပထမဆုံး ကျော်ဖြတ်နိုင်ခဲ့ သည့် ဧရာဝတီ ယူနိုက်တက်အသင်းသည် ရှုံးထွက်အဆင့်၌ မလေးရှားစူပါလိဂ် လက်ရှိချန်ပီယံ ဂျိုဟိုးအသင်းနှင့် တွေ့ဆုံမည် ဖြစ်သည်။ ဧရာဝတီ ယူနိုက်တက်အသင်းသည် ယခုနှစ် AFC Cup အုပ်စုအဆင့်တွင် လက်ရှိအချိန်ထိ ရှုံးပွဲမရှိသေးဘဲ နှစ်ပွဲနိုင် လေးပွဲသရေ ရလဒ် ရမှတ် ၁၀ မှတ်ဖြင့် အုပ်စု ဒုတိယရရှိကာ ရှုံးထွက်အဆင့်သို့ တက်ရောက်နိုင်ခဲ့ခြင်း ဖြစ်ပြီး အဆိုပါ အုပ်စုမှ အင်ဒိုနီးရှား ကလပ် ပါဆီပန်ဒေါင်းအသင်းက ရမှတ် ၁၂ အုပ်စုပထမဖြင့် တက်ရောက်နိုင်ခဲ့သည်။
ဂျိုဟိုး ကလပ်အသင်းသည် ပြီးခဲ့သည့် ၂၀၁၄ မလေးရှား စူပါလိဂ်တွင် ချန်ပီယံဖြစ်ခဲ့သလို ယခုနှစ် AFC Cup အုပ်စုပွဲစဉ်တွင်လည်း ငါးပွဲနိုင် တစ်ပွဲရှုံး ရလဒ်ဖြင့် ရမှတ် ၁၅ မှတ်ရရှိကာ ရှုံးထွက်အဆင့်သို့ တက်ရောက်လာခဲ့ပြီး ယင်းအုပ်စုတွင် တရုတ်ကလပ် ကစ်ချီအသင်းက ရမှတ် ၁၁ မှတ် အုပ်စုဒုတိယဖြင့် တက်ရောက်နိုင်ခဲ့သည်။
ဂျိုဟိုးအသင်းနှင့် တွေ့ဆုံမည့် ပွဲနှင့် ပတ်သက်၍ “ ဂျိုဟိုးက သူတို့အုပ်စုမှာ အုပ်စုပထမရပြီး နောက်တစ်ဆင့် တက်သွားတယ်ဆိုတော့ ကျနော်တို့တွေ သူတို့ကွင်းကို သွားကန်ရပါမယ်။ နောက် ၂ ပတ်ကြာရင်ပေါ့။ ပြင်ဆင်မှုကို ပြောပါဆိုရင်တော့ အခုလိုပဲ ခက်ခက်ခဲခဲ ပြင်ဆင်ရဦးမှာပါ။ ဘာလို့ဆိုတော့ ခုနပြောခဲ့တဲ့ လက်ရွေးစင် ကစားသမားတွေ၊ ပွဲပယ် ကစားသမားတွေလည်း မပါဘူး။ ဒါပေမယ့် ကျနော်တို့ အကောင်းဆုံးဖြစ်အောင် ကြိုးစားမှာပါ ” ဟု နည်းပြချုပ် မာယန်က သူ့အမြင်ကို ပြောသည်။
AFC Cup ၏ စည်းမျဉ်းအရ ရှုံးထွက်အဆင့်တွင် တစ်ကျော့တည်းသာ ယှဉ်ပြိုင်ကစားရပြီး အုပ်စုပထမဖြင့် တက်ရောက်နိုင်ခဲ့သော ဂျိုဟိုးက အိမ်ရှင်အဖြစ် လက်ခံကျင်းပခွင့်ရရှိမည် ဖြစ်ကာ လာမည့် မေလ ၂၆ ရက်တွင် မလေးရှားနိုင်ငံ၌ ဧရာဝတီအသင်း သွားရောက်ကစားရမည် ဖြစ်သည်။
Mizzima
0 comments:
Post a Comment