လီဗာပူးလ်အသင်း၏ တစ်နှစ်တာအကောင်းဆုံး ဘောလုံးသမားဆုကို ဂိုးသမား မစ်ဂ်နိုလက် ရရှိ
Written by အောင်ငြိမ်းသွေး
အင်္ဂလန်၊ မေ ၁၃။ ။ လီဗာပူးလ်အသင်း၏ တစ်နှစ်တာအကောင်းဆုံးဘောလုံးသမားဆုကို ဂိုးသမား မစ်ဂ်နိုလက်က အံ့အားသင့်ဖွယ်ရရှိသွားခဲ့သည်။
လီဗာပူးလ်အသင်း၏ ကစားသမားဟောင်းများက ရွေးချယ်ပေးအပ်သည့် ထိုဆုကို မစ်ဂ်နိုလက်က ကော်တင်ဟိုနှင့် ဟန်ဒါဆင်တို့ကို ကျော်ဖြတ်ကာ ရရှိသွား ခဲ့ခြင်းဖြစ်သည်။
မစ်ဂ်နိုလက် အကောင်းဆုံးဆုရရှိခြင်းကို ပရိသတ်အများစုက သဘောမတူ ခဲ့ကြသလို မစ်ဂ်နိုလက်ကိုယ်တိုင်ကလည်း အံ့အားသင့်လျက်ရှိသည်။
'ဒီဆုကို ကျွန်တော် ရရှိလိမ့်မယ်လို့ ရာသီအစက ဘယ်သူမှ ထင်ခဲ့ကြမှာ မဟုတ်ပါဘူး။ အခုလည်း ပရိသတ်အများအပြားက ဒါကို ယုံကြည်ကြပုံမပေါ်ပါဘူး' ဟု မစ်ဂ်နိုလက်က ပြောသည်။
မစ်ဂ်နိုလက်သည် ရာသီအစက ပုံမှန်လက်စွမ်းရရန် ရုန်းကန်ခဲ့ရသော်လည်း နောက်ပိုင်းတွင် ပြန်လည် လက်စွမ်းပြနိုင်ခဲ့သည်။ ၎င်းသည် ယခုရာသီတွင် လီဗာ ပူးလ်အသင်းအတွက် ၁၄ ပွဲ တိတိ ဂိုးမပေးရအောင် စွမ်းဆောင်နိုင်ခဲ့ပြီး အကောင်းဆုံးဂိုးသမားဆုအတွက် ရေပန်းစားမှုတွင်လည်း ပါဝင်လျက်ရှိသည်။
'ဒီရာသီမှာ သင်ယူခဲ့ရတာကတော့ ဝေဖန်မှုတွေဖြစ်ဖြစ်၊ ချီးကျူးတာတွေဖြစ်ဖြစ် ကြုံလာရင် တူညီတဲ့ ပုံစံနဲ့ ရှေ့ဆက်သွားဖို့ပါပဲ။ ခင်ဗျားအနေနဲ့ လုပ်စရာက တစ်ခုတည်းရှိပါတယ်။ ခေါင်းအေးအေးထား၊ အလုပ်ကိုကြိုးစား ပြီးရင် ကိုယ်ဘယ်လိုစွမ်းဆောင်နိုင်တယ်ဆိုတာကို ကွင်းထဲမှာ သက်သေပြပါ' ဟု မစ်ဂ်နိုလက် ကပြောသည်။
Ref: Daily Mail
Mizzima
0 comments:
Post a Comment