ဘင်ဖီကာအသင်းနှင့် ဇင်းနစ်အသင်းတို့ ပြည်တွင်း အမှတ်ပေး ချန်ပီယံဆုများရရှိ
Written by အောင်ငြိမ်းသွေး
(ဇူးရစ်)။ ။ တနင်္ဂနွေနေ့ ပွဲစဉ်များအပြီးတွင် ပေါ်တူဂီကလပ် ဘင်ဖီကာအသင်းနှင့် ရုရှကလပ် ဇင်းနစ်အသင်းတို့သည် ပြည်တွင်း
အမှတ်ပေး ချန်ပီယံ ဆုဖလားများကို ဆွတ်ခူးနိုင်ခဲ့ကြသည်။
ဘင်ဖီကာအသင်းသည် ဂွီမာရက်စ်အသင်းနှင့် ဂိုးမရှိသရေကျခဲ့သည့် အချိန်တွင် ဒုတိယနေရာမှ ပေါ်တိုအသင်းကလည်း ဘယ်လီနန်ဆက်အသင်းနှင့် ၁-၁ ဂိုးဖြင့် သရေကျခဲ့သည့်အတွက် ဘင်ဖီကာအသင်းမှာ ပြိုင်ပွဲပြီးဆုံးရန် တစ်ပွဲအလိုမှာပင် ချန်ပီယံဆုကို ဆွတ်ခူးနိုင်ခဲ့ခြင်း ဖြစ်သည်။
ဘင်ဖီကာအသင်းနှင့် ပေါ်တိုအသင်းတို့သည် ရမှတ်သုံးမှတ်သာကွာခြားသော်လည်း ထိပ်တိုက်တွေ့ဆုံမှု စည်းမျဉ်းအရ အသာရထားသည့် ဘင်ဖီကာက ချန်ပီယံဆုကို ဆွတ်ခူးနိုင်ခြင်း ဖြစ်သည်။
ယခုရရှိသည့် အမှတ်ပေးချန်ပီယံဆုသည် ဘင်ဖီကာအသင်းအတွက် ၃၄ ကြိမ်မြောက် ရရှိခြင်းဖြစ်ပြီး စံချိန်တင် အောင်မြင်မှု ဖြစ်သည်။ ထို့အပြင် ၂ နှစ်ဆက်တိုက် ရရှိခြင်းလည်း ဖြစ်သည်။
ဇင်းနစ်အသင်းမှာ Ufa အသင်းနှင့် ၁-၁ ဂိုးဖြင့် သရေကျခဲ့သော်လည်း ဒုတိယနေရာမှာ စီအက်စ်ကေအေအသင်းကို ရှစ်မှတ် ဖြတ်ထားနိုင်သည့်အတွက် ပြိုင်ပွဲပြီးဆုံးရန် နှစ်ပွဲ အလိုမှာပင် ချန်ပီယံဆုကို သိမ်းပိုက်သွားခြင်းဖြစ်သည်။
ဇင်းနစ်အသင်းအတွက် ငါးကြိမ်မြောက် အမှတ်ပေးချန်ပီယံဆုဖြစ်ပြီး ဇင်းနစ်နည်းပြသစ် ဘိုအာ့စ်အတွက် ရုရှတွင် ပထမဆုံးရရှိသည့် ဆုဖလားဖြစ်သည်။
ဇင်းနစ်တိုက်စစ်မှူး ဟော့ခ်မှာ သွင်းဂိုး ၁၅ ဂိုးဖြင့် ဂိုးသွင်းအများဆုံး ကစားသမားဆုရရှိရန် အခြေအနေကောင်းလျက်ရှိသည်။
ရည်ညွှန်း - ဖီဖာ
Soccer Myanmar
0 comments:
Post a Comment