ဆီးဂိမ်း မတိုင်မီ ထိုင်း၊ ဗီယက်နမ်တို့နှင့် ခြေစမ်းရန် မြန်မာအသင်း စီစဉ်ထား
Written by ရဲရင့်ဋ္ဌေး
ရန်ကုန် (မဇ္ဈိမ)။ ။ စင်ကာပူ ဆီးဂိမ်း ဝင်ရောက်ယှဉ်ပြိုင်မည့် မြန်မာ ယူ-၂၃ ဘောလုံးအသင်းမှာ ဆီးဂိမ်း မတိုင်မီတွင် ဗီယက်နမ် ယူ-၂၃၊ ထိုင်း ယူ-၂၃ အသင်းများနှင့် ခြေစမ်းကစားရန် စီစဉ်ထားသည်။
မြန်မာ ယူ-၂၃ အသင်းမှာ ဆီးဂိမ်းတွင် အိမ်ရှင် စင်ကာပူ၊ အင်ဒိုနီးရှား၊ ကမ္ဘောဒီးယား၊ ဖိလစ်ပိုင်အသင်းတို့နှင့် တစ်အုပ်စုတည်း ကျရောက်နေပြီး အုပ်စုအဖွင့်ပွဲအဖြစ် မေလ ၂၉ ရက်တွင် အင်ဒိုနီးရှားအသင်းနှင့် ကစားရမည် ဖြစ်သည်။
“ထိုင်းမှာ ထိုင်း ယူ-၂၃ အသင်းနဲ့ ခြေစမ်းပွဲ ကစားမယ်။ ဗီယက်နမ်မှာ အစက ခြေစမ်းပွဲ ၃ ပွဲလောက် ကစားဖို့ စီစဉ်ထားပေမယ့် အခုတော့ ဗီယက်နမ် ယူ-၂၃ နဲ့ပဲ ကစားဖို့ရှိတော့တယ်။ စင်ကာပူကို ဗီယက်နမ်ကနေ တန်းသွားမှာပါ။
ပြင်ဆင်ချိန် ရတဲ့အချိန်အတွင်း အကောင်းဆုံးဖြစ်အောင် ကြိုးစားနေပါတယ်” ဟု မြန်မာ ယူ-၂၃ အသင်း နည်းပြချုပ် ဦးကြည်လွင်က ပြောသည်။
မြန်မာ ယူ-၂၃ အသင်းမှာ ထိုင်း ယူ-၂၃ အသင်းနှင့် ထိုင်းနိုင်ငံတွင် ခြေစမ်းကစားရန်အတွက် မေလ ၁၇ ရက်က မြန်မာနိုင်ငံမှ ထွက်ခွာခဲ့ပြီး မေလ ၁၉ ရက်တွင် ကစားမည် ဖြစ်သည်။ ထို့နောက် ဗီယက်နမ် ယူ-၂၃ အသင်းနှင့် ခြေစမ်းပွဲ ကစားရန်အတွက် မေလ ၂၀ ရက်တွင် ဟနွိုင်းမြို့သို့ ထွက်ခွာမည်ဖြစ်ပြီး မေလ ၂၂ ရက်တွင် ကစားမည် ဖြစ်သည်။ မြန်မာ ယူ-၂၃ အသင်းမှာ ပြည်ပ အသင်းများနှင့် ခြေစမ်းပွဲ မကစားမီ ပြည်တွင်း၌ ခြေစမ်းပွဲ နှစ်ပွဲကစားခဲ့ရာ မြန်မာ ယူ-၂၀ အသင်းကို ၃-၁ ဂိုး၊ ဇေယျာရွှေမြေအသင်းကို ၄-၀ ဂိုးတို့ဖြင့် အနိုင်ရထားသည်။
Mizzima
0 comments:
Post a Comment