စပါးတိုက်စစ်မှူး ကိန်းကို ယူနိုက်တက် အံ့အားသင့်ဖွယ် ချိန်ရွယ်နေကြောင်း သတင်းများထွက်ပေါ်လာ
အံ့အားသင့်ဖွယ် အခြေအနေ တစ်ရပ်အဖြစ် မန်ချက်စတာ ယူနိုက်တက် အသင်းသည် တော့တင်ဟမ် ဟော့စပါး တိုက်စစ်မှူး ဟယ်ရီကိန်းကို ချိန်ရွယ်လာကြောင်း သတင်းများ ထွက်ပေါ်လာခဲ့သည်။
ယူနိုက်တက် မန်နေဂျာ လူးဝစ်ဗန်ဂါးလ်သည် ရာသီကုန်တွင် အသင်း၏ တိုက်စစ်မှ ရော်ဘင်ဗန်ပါစီနှင့် ရာဒါမယ် ဖယ်လ်ကာအိုတို့ကို ထွက်ခွာခွင့် ပေးသွားဖွယ် ရှိနေပြီး တိုက်စစ်မှူးသစ် တစ်ဦးကို အစားထိုး ခေါ်ယူမည့် အလားအလာ ရှိနေသည်။ ယခုအခါ ဗန်ဂါးလ်၏ အဓိက ပစ်မှတ်သည် စပါးနှင့်အတူ ခြေစွမ်းပြနေသည့် အသက် (၂၁)နှစ်အရွယ် ကိန်းဖြစ်ကြောင်း သတင်းများက ဖော်ပြလာခဲ့သည်။ ယူနိုက်တက် အနေဖြင့် ယခုနွေရာသီတွင် ပေါင်စတာလင် သန်း(၁၅၀)မျှ အသုံးပြုပြီး အသင်းကို မွမ်းမံတည်ဆောက်သွားဖွယ် ရှိနေရာ PSV အင်ဒိုဗန်မှ တောင်ပံတိုက်စစ်မှူး မမ်းဖစ်ဒီပေးကို ပေါင်စတာလင် (၂၅)သန်းခန့်ဖြင့် ကြိုတင် ခေါ်ယူထားပြီး ဖြစ်သည်။
ကိန်းသည် ဂယ်ရီလင်ကာနောက်ပိုင်း တစ်ရာသီအတွင်း စပါးအတွက် ဂိုးပေါင်း(၃၀) သွင်းယူနိုင်သည့် ပထမဆုံး တိုက်စစ်မှူး အဖြစ်လည်း မှတ်တမ်းဝင်ခဲ့သည်။ ၎င်းသည် ဝှိုက်ဟတ်လိန်းတွင် နောက်ထပ် (၅)နှစ်ခွဲ ဆက်နေရန် စာချုပ်သစ်ကို ဖေဖော်ဝါရီလက လက်မှတ်ရေးထိုးထားသည့်တိုင် ယူနိုက်တက်က မြင့်မားသော ပြောင်းရွှေ့ကြေး တစ်ရပ်ဖြင့် ကိန်းကို ကမ်းလှမ်းရန် စီစဉ်နေခြင်း ဖြစ်သည်။ ယူနိုက်တက်သည် ကိန်းအတွက် ပေါင်စတာလင် (၄၅)သန်းမျှထိ ပြောင်းရွှေ့ကြေး အသုံးပြုရဖွယ် ရှိနေသည်။ ဗန်ဂါးလ်သည် အခြား အင်္ဂလန် တိုက်စစ်မှူး တစ်ဦးဖြစ်သည့် ဘန်လေမှ ဒန်နီအင်းစ်ကိုလည်း ခေါ်ယူရန် နီးစပ်နေကြောင်း သိရသည်။
လီဗာပူးလ်သည် အင်းစ်ကို အလေးအနက် စိတ်ဝင်စားနေသော်လည်း ယူနိုက်တက်က အသာစီး အနေအထားတွင် ရှိနေကြောင်း သတင်းများက ဆိုသည်။ အင်းစ်သည် နွေရာသီတွင် ဘန်လေနှင့် စာချုပ်သက်တမ်း ကုန်မည်ဖြစ်ရာ ယူနိုက်တက်က ဘန်လေအား ပေါင်စတာလင် (၅)သန်းမျှ နစ်နာကြေးပေးပြီး အင်းစ်ကို ခေါ်ယူနိုင်မည်ဖြစ်သည်။ စပါးအတွက်မူ ကိန်းကို လက်လွှတ်ရပါက ၎င်းတို့၏ အကောင်းဆုံး ကစားသမားများကို အိုးလ်ထရက်ဖို့ဒ်ထံ လက်လွှဲပေးရလေ့ရှိသည့် အစဉ်အလာဆိုးကို စိတ်ပျက်လက်ပျက်ဖြင့် ဆက်လက်၍ လက်ခံရမည် ဖြစ်သည်။
ယူနိုက်တက် မန်နေဂျာဟောင်း ဆာအဲလက်စ် ဖာဂူဆန် လက်ထက်က ယူနိုက်တက်သည် တက်ဒီရှာရင်ဂမ်၊ မိုက်ကယ်ကာရစ်နှင့် ဒီမစ်တာ ဘာဘာတော့ဗ်တို့ကို စပါးထံမှ ခေါ်ယူခဲ့ဖူးသည်။
Soccer Myanmar
0 comments:
Post a Comment