တိုက်စစ်မှူးဟောင်း ဗစ်တာကို ပြန်လည် ခေါ်ယူရန် ဇေယျာရွှေမြေအသင်း စီစဉ်
Written by ရွှေဘုတ်
မေ ၁၆၊ ရန်ကုန်။ ။ မြန်မာနေရှင်နယ်လိဂ် ဒုတိယအကျော့အတွက် ပြင်ဆင်မှုများ ပြုလုပ်နေသည့် ဇေယျာရွှေမြေအသင်းသည် အသင်း တိုက်စစ်မှူးဟောင်း ဗစ်တာကို ပြန်လည် ခေါ်ယူရန် စီစဉ်ထားသည် ဟု ဇေယျာရွှေမြေအသင်း မီဒီယာတာဝန်ခံ ဦးကျော်ကျော်မိုး က မဇ္ဈိမသို့ ပြောသည်။
အီတလီတိုက်စစ်မှူးဗစ်တာမှာ ပြီးခဲ့သည့် ၂၀၁၀-၂၀၁၁ ဘောလုံးရာသီ၌ ဇေယျရွှေမြေအသင်းတွင် ကစားခဲ့ဖူးပြီး လက်ရှိအချိန် တွင်ကော့စတာရီကာကလပ် ယူနီဗာဆီဒက်အသင်းတွင် ကစားနေသည်။
ဇေယျာရွှေမြေ အသင်းသည် ယခုနှစ် ဘောလုံးရာသီ ပထမအကျော့ အပြီးတွင် ရလဒ်များဆိုးဝါး လျက်ရှိသည့်အတွက် အသင်းမှ နိုင်ငံခြားသား ကစားသမား များ ဖြစ်သော တိုနီ၊ ကန်တာရို၊ ရိုဒရီဂို တို့ကို စာချုပ်ဖျက်သိမ်းကာ ဗစ်တာ၊ အင်ဒိုနီးရှားကွင်းလယ်လူ ဒီဒီဒူစမန်ဝမ် တို့ကို ပြန်လည် ခေါ်ယူရန် ကြိုးပမ်း လျက် ရှိသည်။
ဒုတိယအကျော့အတွက် အသင်းပြင်ဆင်မှုနှင့် ပတ်သက်၍ “ အသင်းက လက်ရှိမှာ ဒု-အကျော့အတွက် ကစားသမားအသစ်တွေ ခေါ်ဖို့ရှိနေပါ တယ်။ခြေစွမ်း မပြနိုင်တဲ့ နိုင်ငံခြားသား ၃ ယောက်ကို စာချုပ်ဖျက်သိမ်းလိုက်ပါပြီ။ တိုက်စစ်မှူးဟောင်းဗစ်တာကို နည်းပြကြီးက ခေါ်ချင်နေပ်ါတယ်။ ဒါ့အပြင် အင်ဒိုကွင်း လယ်လူ ဒီဒီနဲ့ အခြားတစ်ယောက်ကိုတော့ အသင်းမှာလာခြေစမ်းတဲ့ ကစားသမားထဲကရွေးခေါ်သွားမှာပါ။ ဗစ်တာနဲ့ ဒီဒီက နောက်တစ်ပတ်ထဲမှာ အသင်းကို လာခြေစမ်းမှာပါ။ ဒုကျော့အတွက်တော့ ခြေစမ်းပွဲတွေလည်း ကစားပြီး အသင်းကို အကောင်းဆုံး ပြင်ဆင်နေပါတယ် ” ဟု ဦးကျော်ကျော်မိုး က ပြောသည်။
ဇေယျာရွှေမြေအသင်းသည် ယခုနှစ် ၂၀၁၅ ဘောလုံးရာသီတွင် အသင်း၌ နည်းပြအပြောင်းအလဲများ ပြုလုပ်ခဲ့ပြီး လက်ရှိတွင် နည်းပြချုပ်အဖြစ် ဦးကျော်မင်း က တာဝန်ယူဆောင်ရွက်လျက်ရှိပြီး နည်းစနစ်ဒါရိုက်တာအဖြစ် စတီဖင်ဟန်ဆန်က တာဝန်ယူထားသည်။ ဇေယျာရွှေမြေအသင်းသည် မြန်မာနေရှင်နယ်လိဂ် ပွဲစဉ် ရှစ်ပွဲ ကစားပြီးချိန်၌ တစ်ပွဲသာအနိုင်ရရှိထားပြီး နှစ်ပွဲသရေ ငါးပွဲရှုံး ရလဒ်ဖြင့် ရမှတ် ငါးမှတ်သာ ရရှိကာ အဆင့် ၁၀ နေရာတွင် ရပ်တည်လျက်ရှိသည်။
Mizzima
0 comments:
Post a Comment