အသင်းမှ လူငယ်ကစားသမား အချို့ကို ရန်ကုန် အငှားချမည်
Written by ရွှေဘုတ်
မေ ၁၆၊ ရန်ကုန်။ ။ ရန်ကုန်ယူနိုက်တက်အသင်းသည် မြန်မာနေရှင်နယ်လိဂ် ဒုတိယအကျော့ အတွက် အသင်းမှ လူငယ်ကစားသမားအချို့ကို အငှားချရန် စီစဉ်နေသည် ဟု ရန်ကုန်အသင်းမန်နေဂျာ ဦးကျော်လင်းထွေးက မဇ္ဈိမသို့ ပြောသည်။ ရန်ကုန်ယူနိုက်တက်အသင်းသည် ပြီးခဲ့သည့် ၂၀၁၄ ဘောလုံးရာသီ တွင်လည်းအသင်းမှ ဇွန်မိုးအောင်၊ ဇော်လင်းအစရှိသည့် ကစားသမားများကို အငှားချခဲ့ဖူးပြီး ယခုနှစ်ရာသီတွင်မူအသင်း၌ ပွဲထွက်ကစားသမား များအဖြစ်ပြန် လည် အသုံးပြုနိုင်ခဲ့သည်။
ဒုအကျော့ရာသီတွင် လူငယ်ကစားသမားအချို့ အငှားချမည့် အစီအစဉ်နှင့် ပတ်သက်၍ “ အသင်းက လူငယ်ကစားသမားအချို့ကို အငှားချဖို့တော့ ရှိပါတယ်။ ဒါပေမယ့် နည်းပြကြီးက တနေ့ကမှ ပြန်ရောက်တာဆိုတော့ ကစားသမားကြံ့ခိုင်ရေးအနေအထားတွေ ကြည့်ရပါဦးမယ်။ အသင်းက ပြိုင်ပွဲ ၂ ရပ်တောင်ပြိုင် ရမှာဆိုတော့ လက်ရှိအင်အားအရလည်း အငှားးချဖြစ်ရင် ၃ ယောက်လောက်ပါပဲ။ ဇွဲကပင်၊ မနောမြေတို့ကတော့ ငှားချင်တယ်လို့ တရားဝင်စာပို့ထားပါတယ်။ ဒါပေမယ့် ကစားသမားဆန္ဒရော၊ သူတို့လိုချင်တဲ့နေရာ ပေးနိုင်တဲ့လစာနဲ့ ကိုက်ညီမှ ဖြစ်မှာပါ ” ဟု ဦးကျော်လင်းထွေး က ပြောသည်။
ရန်ကုန်ယူနိုက်တက်အသင်းသည် ယခုနှစ်၂၀၁၅ ဘောလုံးရာသီတွင် မြန်မာနေရှင်နယ်လိဂ် ပွဲစဉ် ကိုးပွဲ ကစားပြီးချိန်၌ ကိုးပွဲစလုံးအနိုင်ရကာ ရမှတ် ၂၇ မှတ်ဖြင့် အမှတ်ပေးဇယားထိပ်ဆုံးတွင် ဦးဆောင်လျက်ရှိပြီး ဗိုလ်ချုပအောင်ဆန်းဒိုင်းပြိုင်ပွဲတွင်လည်း GFA အသင်းနှင့် ရှုံးထွက်ဒုတိယအဆင့်တွင် ယှဉ်ပြိုင် ကစားရမည် ဖြစ်သည်။
Mizzima
0 comments:
Post a Comment