ရီးယဲလ်အသင်း၏ ဒုတိယ ဂိုးသွင်းအများဆုံး ကစားသမားနေရာကို ရောက်ရှိလာသည့် စီရော်နယ်ဒို
Written by အောင်ငြိမ်းသွေး
(မက်ဒရစ်)။ ။ ရီးယဲလ်အသင်းသည် ဘာနေဗျူးတွင် ကစားခဲ့သည့် ချန်ပီယံလိဂ် ဆီမီးဖိုင်နယ် ဒုတိယအကျော့တွင် ဂျူဗင်တပ်စ်နှင့် ၁-၁ ဂိုးဖြင့် သရေကျခဲ့ပြီး ပြိုင်ပွဲမှ ထွက်ခွာခဲ့ရသည်။
ပြိုင်ပွဲမှ ထွက်ခွာရခြင်းသည် စိတ်ပျက်စရာ ဖြစ်ခဲ့သော်လည်း ထိုပွဲတွင် ဂိုးသွင်းယူနိုင်ခဲ့သည့် စီရော်နယ်ဒိုမှာ ရီးယဲလ်ဂန္ထ၀င်ကစားသမား ဒီစတီဖာနို၏ ဂိုးသွင်းစံချိန် ၃၀၇ ဂိုးကို လိုက်မီသွားခဲ့ပြီး ရီးယဲလ်အသင်းသမိုင်းတွင် ဒုတိယဂိုးသွင်းအများဆုံးကစားသမား ဖြစ်လာခဲ့သည်။
ရီးယဲလ် တိုက်စစ်မှူးဟောင်း ရာအူးလ်ဂွန်ဇာလက်က သွင်းဂိုးပေါင်း ၃၂၃ ဂိုးဖြင့် ဂိုးသွင်းအများဆုံး ကစားသမားနေရာတွင် ထိပ်ဆုံးမှ ရပ်တည်လျက်ရှိသည်။ စီရော်နယ်ဒိုနှင့် ဒီစတီဖာနိုတို့မှာ ၃၀၇ ဂိုးစီဖြင့် ဒုတိယနေရာတွင် ရပ်တည်နေကြပြီး ၎င်းတို့၏ နောက်တွင် ဆန်တီလာနာက ၂၉၀ ဂိုးဖြင့် ရှိနေသည်။
စီရော်နယ်ဒိုသည် ရီးယဲလ်အသင်း၏ သမိုင်းတွင် ဂိုးသွင်းအများဆုံးကစားသမား ဖြစ်လာရန် ဂိုးပေါင်း ၁၇ ဂိုးသာ လိုအပ်တော့သည်။ ထိုဂိုးပေါင်း ၃၀၇ ဂိုးကို လာလီဂါတွင် ၂၁၉ ဂိုး၊ ကိုပါဒယ်လ်ရေးတွင် ၂၁ ဂိုး၊ စပိန်စူပါ ဖလားတွင် ၃ ဂိုး၊ ချန်ပီယံလိဂ်တွင် ၆၂ ဂိုး၊ ယူအီးအက်ဖ်အေစူပါ ဖလားတွင် ၂ ဂိုး သွင်းယူထားခြင်း ဖြစ်သည်။
ယခုရာသီတွင် စီရော်နယ်ဒိုသည် ချန်ပီယံလိဂ် သွင်းဂိုး ၁၀ ဂိုး၊ လာလီဂါသွင်းဂိုး ၄၂ ဂိုး အပါအ၀င် ဂိုးပေါင်း ၅၅ ဂိုး သွင်းယူထားသည်။
ဒီစတီဖာနိုက ၁၁ ရာသီ သွင်းယူခဲ့ရသည့် ဂိုးအရေအတွက်ကို စီရော်နယ်ဒိုက ၆ ရာသီဖြင့် သွင်းယူနိုင်ခဲ့ခြင်း ဖြစ်သည်။
ရည်ညွှန်း - ဒေးလီးမေးလ်
Mizzima
0 comments:
Post a Comment