ချယ်လ်ဆီး၏ တစ်ရာသီလုံး ဖြတ်သန်းမှု ထူးကဲ ကောင်းမွန်ခဲ့ဟု မော်ရင်ဟို ညွှန်းဆို
ချန်ပီယံဆု အတွက် သေချာရန် နိုင်ပွဲ တစ်ပွဲသာ လိုအပ်တော့သည့်နောက် ချယ်လ်ဆီး၏ ခြေစွမ်းသည် ယခုရာသီ ထူးထူးကဲကဲ ကောင်းမွန်ခဲ့ကြောင်း မန်နေဂျာ ဟိုဆေးမော်ရင်ဟိုက ညွှန်းဆို ပြောကြားလိုက်သည်။
ချယ်လ်ဆီးသည် လက်ဆက်စတာ စီးတီးကို (၃-၁)ဖြင့် အနိုင်ကစားခဲ့ပြီးနောက် (၂၀၁၀)ပြည့်နှစ်နောက်ပိုင်း ပရီးမီးယားလိဂ် ချန်ပီယံ ဆုဖလားကို ကိုင်မြှောက်ခွင့်ရရန် အသေချာဆုံး အနေအထားမျိုးသို့ ရောက်ရှိလာခဲ့သည်။ ဘောလုံးရာသီ ထက်ဝက်ကျိုးချိန်မှ စကာ ခံစစ်ကို ပိုမိုအထိုင်ချသည့် ပုံစံမျိုး ပြောင်းလဲသွားသဖြင့် ဝေဖန်မှုများ ကြုံခဲ့ရသည့်တိုင် မော်ရင်ဟိုကမူ ၎င်းတို့၏ ဖြတ်သန်းမှုကို အသင်းတိုင်း အားကျနေလိမ့်မည်ဟု ညွှန်းဆိုခဲ့သည်။ ချယ်လ်ဆီးသည် တနင်္ဂနွေနေ့တွင် အိမ်ကွင်း၌ ခရစ္စတယ်လ် ပဲလေ့စ်ကို အနိုင်ရခဲ့ပါက ချန်ပီယံဆုကို စောစီးစွာ သိမ်းယူနိုင်မည် ဖြစ်သည်။
“ကျွန်တော့်အသင်း လုပ်ပြခဲ့ပုံကတော့ ထူးကဲလွန်းပါတယ်။ ပြိုင်ပွဲစကတည်းက အမှတ်ပေးဇယား ထိပ်ဆုံးနေရာက ဦးဆောင်ဖို့ ဆိုတာဟာ မလွယ်ပါဘူး။ အသင်းတိုင်းက ကျွန်တော်တို့ရဲ့ အနေအထားမျိုး ဖြစ်ချင်ကြပါလိမ့်မယ်။ စတမ်းဖို့ဒ် ဘရစ်ဂ်ျဟာ အောင်ပွဲခံဖို့ အခုအချိန်မှာ အဆင်သင့် ဖြစ်နေပါပြီ။ ဒါပေမဲ့ ပရိသတ်ကို ကျွန်တော် တောင်းဆိုချင်တာက ကြိုတင် အောင်ပွဲမခံသေးဖို့ပါပဲ။ တနင်္ဂနွေနေ့ ပွဲစဉ်ကို ကျွန်တော်တို့အားလုံး နိုင်ချင်ကြပါတယ်။ ဒါပေမဲ့ အဲဒီပွဲစဉ်ဟာ ခက်ခဲမှာ အမှန်ပါပဲ။ စတမ်းဖို့ဒ်ဘရစ်ဂ်ျ ပရိသတ်ဟာ ကျွန်တော်တို့ကို တွန်းအားပေးဖို့ အတွက် အဆင်သင့် ဖြစ်နေသင့်ပါတယ်” ဟု မော်ရင်ဟိုက ဆိုသည်။
၎င်းက “ကျွန်တော်တို့ဟာ ဒီယေဂို ကော်စတာ၊ လွိုက်ရိုင်မီနဲ့ ဒီဒီရာ ဒရော့ဂ်ဘာတို့ မကစားနိုင်တာကြောင့် အော်စကာကို တိုက်စစ်မှူးနေရာ ထားကစားရတဲ့ အချိန်တွေတောင် ရှိခဲ့ဖူးတယ်။ တခြားဖြေရှင်းစရာ နည်းလမ်းလည်း မတွေ့ဘူးလေ။ တကယ်ဆို ချယ်လ်ဆီးရဲ့ စုဖွဲ့မှုဟာ အရေအတွက်အားဖြင့် ကျစ်လစ် သေးငယ်ပါတယ်။ ဒါပေမဲ့ နည်းဗျူဟာပိုင်း၊ အသင်းစိတ်ဓာတ်၊ ကျင့်ဝတ်ပိုင်းတွေမှာ အားကောင်းတယ်။ ခံစစ်ကစားပုံ သိပ်ထက်မြက်တယ်။ ပြီးတော့ တိုက်စစ်မှာလည်း ဂိုးတွေ သွင်းနိုင်တယ်။ ပွဲတိုင်းမှာ တည်ငြိမ်မှုရှိတဲ့ အေိနအထားကို ပြသနိုင်ခဲ့တယ်။ အခုဆို ကျွန်တော်တို့ဟာ ဒုတိယ နေရာက အသင်းကို (၁၃)မှတ် ဖြတ်ထားပြီ။ အာဆင်နယ်နဲ့ ပွဲစဉ်ကလွဲရင် နောက်ပိုင်းပွဲတိုင်း နိုင်ခဲ့တယ်။ ကစားသမားတွေဟာ ဖိအားများလေလေ၊ စိတ်ဓာတ်ပိုင်း ကြံ့ခိုင်လာလေလေပဲ”ဟုလည်း မှတ်ချက်ပြုခဲ့သည်။
၎င်းက “အသင်းဟာ လူငယ်လူကြီး အချိုးညီညီ ပေါင်းစပ်ထားတယ်။ ပီတာဆက်ခ်ျက စွမ်းဆောင်ရည် ကောင်းမွန်နေဆဲပဲ။ ဂျွန်တယ်ရီ၊ ဘရာနီဆလက်ဗ် အိုင်ဗန်နိုဗစ်၊ ပြီးတော့ ဒရော့ဂ်ဘာတို့ဟာ အသင်းကို ဦးဆောင်ခဲ့တယ်။ ဒါပေမဲ့ ကွင်းထဲမှာ နီမန်ယာမာတစ်၊ ဆက်စ်ဖာဘရီဂက်စ်၊ ရာမီရက်စ်တို့လို ထူးချွန်တဲ့ ကစားသမားတွေလည်း ပိုင်ဆိုင်ထားဆဲပါ။ တကယ့်ကို ထက်မြက်အားကောင်းတဲ့ အသင်းတစ်ခုပါပဲ။ ဒါကြောင့်လည်း ကျွန်တော် အရမ်းကို ပျော်ပါတယ်။ အခုဆို ကျွန်တော်တို့ဟာ အောင်ပွဲခံဖို့ (၃)မှတ်ပဲ လိုပါတော့တယ်”ဟုလည်း ပြောကြားသွားသည်။
Soccer Myanmar
0 comments:
Post a Comment