ဂီရော့ဒ်ကဲ့သို့ တိုက်စစ်မှူးမျိုးဖြင့် အာဆင်နယ် ချန်ပီယံ မဖြစ်နိုင်ဟု အွန်နရီ ဝေဖန်

ဂီရော့ဒ်ကဲ့သို့ တိုက်စစ်မှူးမျိုးဖြင့် အာဆင်နယ် ချန်ပီယံ မဖြစ်နိုင်ဟု အွန်နရီ ဝေဖန်

အိုလီဗီရာ ဂီရော့ဒ်ကဲ့သို့သော တိုက်စစ်မှူးမျိုးနှင့် အာဆင်နယ် အသင်း ချန်ပီယံဆုကို မျှော်လင့်ရန် မဖြစ်နိုင်ကြောင်း ဂန္ထဝင် အသင်းခေါင်းဆောင်ဟောင်း သီအာရီ အွန်နရီက ဝေဖန် ပြောကြားလိုက်သည်။

အွန်နရီက မိမိနှင့် တစ်နိုင်ငံတည်းသားဖြစ်သည့် ပြင်သစ် လက်ရွေးစင် တိုက်စစ်မှူးသည် ချန်ပီယံဆုအတွက် အဆုံးအဖြတ် ပေးနိုင်လောက်သည့် အဆင့်မျိုး မရှိကြောင်း မှတ်ချက်ပေးခဲ့သလို လာမည့်နွေရာသီတွင် အာဆင်နယ် အနေဖြင့် ငွေများများသုံးပြီး ထိပ်တန်းကစားသမား လေးဦးထိ ဝယ်ယူသင့်ကြောင်းလည်း ဆိုသည်။ လတ်တလောတွင် Sky Sports၏ ဘောလုံး အစီအစဉ်မှူးအဖြစ် တာဝန်ယူထားသည့် အွန်နရီက အာဆင်နယ်သည် ဂိုးသမားတစ်ဦး၊ ဗဟိုနောက်ခံလူတစ်ဦး၊ ကွင်းလယ်ခံစစ်သမား တစ်ဦးနှင့် တိုက်စစ်မှူး တစ်ဦးတို့ကို ထိပ်တန်းအဆင့်မျိုး ရွေးချယ်ခေါ်ယူနိုင်မှသာ ပရီးမီးယားလိဂ် ချန်ပီယံဆုကို မှန်းနိုင်လိမ့်မည်ဟုလည်း သုံးသပ်ခဲ့သည်။

အွန်နရီက “အာဆင်နယ်ဟာ ကစားသမားသစ် လေးယောက်လောက် ခေါ်ဖို့တော့ လိုတယ်။ အသင်းရဲ့ ကျောရိုးကို မွမ်းမံပြုပြင်ဖို့ လိုတယ်။ အာဆင်နယ်က ဂိုးသမားတစ်ယောက်၊ ဗဟိုနောက်ခံလူ တစ်ယောက် ခေါ်ရမယ်။ ကွင်းလယ် ဗဟိုမှာ ခံစစ်အားပြု ကစားသမား တစ်ယောက် ထပ်လိုသေးတယ်။ ကျွန်တော် စိုးရိမ်တာကတော့ တိုက်စစ်ပဲ။ တကယ်လို့ ချန်ပီယံဆုကို နောက်တစ်ကြိမ် မျှော်မှန်းတယ်ဆိုရင် ထိပ်တန်းမှ ထိပ်တန်းဆိုတဲ့ အဆင့်မျိုး တိုက်စစ်မှူး တစ်ယောက် ခေါ်ယူရပါလိမ့်မယ်”ဟု ပြောကြားခဲ့သည်။

အမ်းမရိတ်စ်တွင် ချယ်လ်ဆီးနှင့် ဂိုးမရှိ သရေကျခဲ့သည့် ပွဲစဉ်နှင့် ပတ်သက်ပြီး အွန်နရီက “ဒီနေ့ ချယ်လ်ဆီးကို ကြည့်ပါ။ မနှစ်က ရာသီမှာ သူတို့ဟာ ချန်ပီယံဆုကို မျှော်လင့်ပေမယ့် ရုန်းကန်ခဲ့ရတယ်။ အဲဒီနောက်မှာတော့ သီဘောက် ကော်တွိုက်စ်၊ နီမန်ယာမာတစ်၊ ဆက်စ်ဖာဘရီဂက်စ်နဲ့ ဒီယေဂို ကော်စတာတို့ကို အားဖြည့်ခဲ့တယ်။ ဒီနေ့ ဒီအချိန်မှာ ဘာတွေ ကွာခြားသွားပြီလဲ ဆိုတာကို ကျွန်တော် ပြောပြနေစရာ မလိုတော့ပါဘူး။ တစ်သင်းက လုပ်စရာရှိတာ လုပ်ခဲ့တယ်။ တစ်သင်းက မလုပ်ဘူး။ အခုဆို ချယ်လ်ဆီးဟာ ချန်ပီယံဆုကို ဆွတ်ခူးနိုင်ဖို့ နီးစပ်သွားပါပြီ။ အာစင်ဝင်းဂါးက လုပ်စရာရှိတာကို လုပ်ရပါမယ်။ အသင်းစုဖွဲ့မှုမှာ ပြိုင်ဆိုင်မှုတွေ ပြည့်ဝနေဖို့ လိုတယ်။ ချန်ပီယံဆုကို မျှော်လင့်ရင် ဒီလိုအနေအထားက တကယ်လိုအပ်ပါတယ်”ဟုလည်း မှတ်ချက်ပြုခဲ့သည်။

အွန်နရီက ဂီရော့ဒ်နှင့် ပတ်သက်ပြီးမူ “ဂီရော့ဒ်ဟာ သူ့အနေနဲ့ အကောင်းဆုံး ကြိုးစားလုပ်ဆောင်နေတယ်လို့ ထင်ပါတယ်။ ဒါပေမဲ့ တွေးကြည့်ပါ။ သူ့ကို အားကိုးပြီး ပရီးမီးယားလိဂ် ချန်ပီယံ ဖြစ်နိုင်သလား။ ကျွန်တော်တော့ မထင်ဘူး။ သူဟာ လုပ်စရာရှိတာကို လုပ်နေပါတယ်။ ဒါပေမဲ့ သူအကောင်းဆုံး လုပ်နေသည့်တိုင် သူ့ကိုအားကိုးပြီး ကျွန်တော်တို့ ချန်ပီယံ မဖြစ်နိုင်ပါဘူး။ အာဆင်နယ်ဟာ မနှစ်က ပရီးမီးယားလိဂ် ထိပ်ဆုံးနေရာမှာ ဦးဆောင်ခဲ့ဖူးတယ်။ ဒါပေမဲ့ အဲဒီအချိန်မှာတောင် သူတို့တွေ ချန်ပီယံ ဖြစ်နိုင်လောက်ပါတယ်လို့ ဘယ်သူမှ ထင်ကြေး မပေးခဲ့ပါဘူး”ဟု ပြောဆိုသွားသည်။

Soccer Myanmar