နာဆရီကို ခေါ်ယူရန် ရိုးမား စိတ်ဝင်စားနေ
အီတလီ စီးရီးအေ ကလပ် ရိုးမားသည် မန်ချက်စတာစီးတီး ကွင်းလယ်လူ ဆမ်မီနာဆရီကို ခေါ်ယူရန် ဆန္ဒ ရှိနေကြောင်း သိရှိရသည်။
ပြင်သစ်လက်ရွေးစင် ကွင်းလယ် တိုက်စစ်သမားသည် ယခုရာသီတွင် မန်စီးတီး၌ ပုံမှန် ပွဲထွက်နေရာ မသေချာဘဲ ဖြစ်နေခဲ့ပြီး နွေရာသီတွင် အသင်းကလည်း ၎င်းကို ထွက်ခွာခွင့် ပြုဖွယ် ရှိနေသည်။ မန်စီးတီးသည် အသင်းစုဖွဲ့မှုကို ပြုပြင်ပြောင်းလဲမှုများ ပြုလုပ်သွားရန် ရည်ရွယ်ထားရာ နာဆရီသည် အစ်တီဟတ်မှ ထွက်ခွာရမည့် ကစားသမား တစ်ဦး အနေဖြင့် ထင်ကြေးပေး ခံနေရသည်။ ထိုအခြေအနေတွင် ရိုးမားက နွေရာသီ ဈေးကွက်ဖွင့်ချိန်၌ ၎င်းကို ချဉ်းကပ် ကမ်းလှမ်းသွားရန် စိတ်ဝင်စားနေခြင်း ဖြစ်သည်။
အသက်(၂၇)နှစ်ရှိ ကစားသမားသည် အသင်း၏ အသုံးစရိတ် ကန့်သတ်ချက်နှင့်လည်း အံဝင်အဆင်ပြေမည်ဟု ရိုးမား တာဝန်ရှိသူများက ယူဆနေသည်။ နာဆရီသည် ယမန်နှစ်က အသင်းအတွက် ခြေစွမ်းပြနိုင်ခဲ့သော်လည်း ယခုရာသီတွင်မူ ပုံမှန်စွမ်းဆောင်ရည်မျိုး ရရှိရန် ရုန်းကန်နေရသည်။ မန်စီးတီးသည် ယခုရာသီတွင် ချန်ပီယံဆုကို စောစီးစွာ လက်လွှတ်လိုက်ရရုံမျှ မကဘဲ ချန်ပီယံလိဂ် တိုက်ရိုက်ဝင်ခွင့် အတွက်ပါ ရုန်းကန်နေရသည့်နောက် အသင်းကို သွေးသစ်လောင်း ပြင်ဆင်ရန် စီစဉ်လျက်ရှိသည်။
Soccer Myanmar
0 comments:
Post a Comment