အသင်းဟောင်း ချယ်လ်ဆီး၏ အောင်မြင်မှုကို လမ်းပတ် ဂုဏ်ပြု
အသင်းဟောင်းချယ်လ်ဆီး ပရီးမီးယားလိဂ် ချန်ပီယံ ဖြစ်လာခြင်းအပေါ် ဖရန့်ခ်လမ်းပတ်က Instagramမှတစ်ဆင့် ဂုဏ်ပြုပေးခဲ့သည်။
ချယ်လ်ဆီးသည် ခရစ္စတယ်လ်ပဲလေ့စ်ကို (၁-၀)ဖြင့် အနိုင်ရပြီးနောက် ပရီးမီးယားလိဂ် ရာသီသိမ်းရန် သုံးပွဲအလိုတွင် ချန်ပီယံ ဖြစ်လာခဲ့သည်။ ပြီးခဲ့သည့် ရာသီတွင် ချယ်လ်ဆီးမှ ထွက်ခွာကာ နယူးယော့ခ် စီးတီးသို့ ပြောင်းရွှေ့ခဲ့ပြီး ထိုမှတစ်ဆင့် မန်ချက်စတာစီးတီးသို့ အငှားလာရောက် ကစားနေသည့် လမ်းပတ်က အသင်းဖော်ဟောင်းများ၏ အောင်မြင်မှုကို မျှဝေ ဂုဏ်ပြုခဲ့ခြင်း ဖြစ်သည်။ လမ်းပတ်သည် ချယ်လ်ဆီး ကစားသမား ဘဝတွင် ပရီးမီးယားလိဂ် ချန်ပီယံဆု သုံးကြိမ် ရရှိခဲ့ဖူးသည်။
၎င်းက “ကျွန်တော့် အသင်းဖော်ဟောင်းတွေ အားလုံးကို အကြီးအကျယ် ဂုဏ်ပြုလိုက်ပါတယ်။ ချယ်လ်ဆီးအသင်း ပရီးမီးယားလိဂ် ချန်ပီယံဆု ရခဲ့တဲ့ အတွက်ကြောင့်ပါ”ဟု Instagramတွင် ရေးသားပြီး ဂျွန်တယ်ရီ၊ ဆီဇာ အက်ဇ်ပီလီကွိုင်တာ၊ အီဒင်ဟာဇက်၊ ဂယ်ရီကာဟေးလ်နှင့် ဘရာနီဆလက်ဗ် အိုင်ဗန်နိုဗစ်တို့ အောင်ပွဲခံနေသည့် ဓာတ်ပုံကို လွှင့်တင်ခဲ့သည်။ ၎င်းက “ချယ်လ်ဆီးမှာ ရှိနေသူ အားလုံးအတွက် ထိုက်တန်တဲ့ ကြီးမားတဲ့ အောင်မြင်မှု တစ်ခုပါပဲ။ အသင်းအပေါ် လွန်ခဲ့တဲ့ (၁၃)နှစ်လုံး နှစ်နှစ်ကာကာ အားပေးခဲ့တဲ့ ပရိသတ်တွေ အတွက်ရောပေါ့။ ဒီအောင်မြင်မှုဟာ ပရိသတ်တွေအတွက် ဘယ်လောက် အဓိပ္ပါယ် ပြည့်ဝမလဲ ဆိုတာကို ကျွန်တော် သိပါတယ်။ အနောက်လန်ဒန်မှာ ဒီညတော့ အောင်ပွဲခံလိုက်ကြပါဦး”ဟုလည်း ရေးသားထားခဲ့သည်။
Soccer Myanmar
0 comments:
Post a Comment