ဒေါ့တ်မန်မှ ထွက်ခွာရန် စဉ်းစားနေကြောင်း ယူနိုက်တက်ပစ်မှတ် ဟမ်မဲလ်စ် ထုတ်ဖော်ဝန်ခံ
နွေရာသီတွင် ဘိုရပ်ရှားဒေါ့တ်မန်ကို စွန့်ခွာဖွယ်ရှိကြောင်း ထုတ်ဖော်ဝန်ခံလိုက်ခြင်းဖြင့် မန်ချက်စတာ ယူနိုက်တက်နှင့် သတင်းများကို မတ်စ်ဟမ်မဲလ်စ်က အရှိန်မြှင့်ပေးလိုက်သည်။
ယူနိုက်တက် မန်နေဂျာ လူးဝစ်ဗန်ဂါးလ်သည် ဒေါ့တ်မန်၏ အသင်းခေါင်းဆောင်နှင့် ဂျာမန်လက်ရွေးစင် အသင်း၏ အားအထားရဆုံး ဗဟိုနောက်ခံလူကို နွေရာသီ အပြောင်းအရွှေ့အတွက် အဓိက ပစ်မှတ်အဖြစ် ရည်ရွယ်ထားသည်။ ယခုအခါ ဟမ်မဲလ်စ်ကိုယ်တိုင်ကလည်း ဂျာမနီကို စွန့်ခွာရန် စဉ်းစားနေပြီဖြစ်ကြောင်း ဖွင့်ဟလာခဲ့သည်။ ကမ္ဘာ့ဖလား ချန်ပီယံ ဂျာမနီ အသင်းတွင် ခြေစွမ်းပြ ကစားခဲ့သည့် ဟမ်မဲလ်စ်က နိုင်ငံပြင်ပ ထွက်ခွာပြီး ကစားသမားဘဝ ရှေ့ဆက်ခြင်းက မိမိ၏ ခြေစွမ်းတိုးတက်မှုကို အထောက်အပံ့ ဖြစ်စေမည်ဟု ယူဆကြောင်း ဆိုသည်။
Kickerနှင့် အင်တာဗျူးတွင် ယူနိုက်တက်၏ စိတ်ဝင်စားနေမှုအပေါ် မှတ်ချက်ပေးရန် မေးမြန်းသည့်အခါ အသက်(၂၆)နှစ်အရွယ် ကစားသမားက “တစ်နေ့နေ့တော့ နိုင်ငံခြားကို ကျွန်တော် သေချာပေါက် ထွက်ကစားဖြစ်မယ် ထင်ပါတယ်။ တစ်ခါတစ်လေတော့လည်း ဒီစိတ်ကူးနဲ့ ပတ်သက်ပြီး သိပ်စိတ်မပါသလို ဖြစ်နေပြန်ရော။ အခြေခံကျကျ ပြောရရင်တော့ နိုင်ငံခြားမှာ ထွက်ကစားတာဟာ ကျွန်တော့် ပရော်ဖက်ရှင်နယ် ဘဝရော၊ ပုဂ္ဂိုလ်ရေး ဘဝအတွက်ပါ ကောင်းမွန်နိုင်တယ်လို့ ယူဆပါတယ်။ နောက်ပြီး ကျွန်တော် ကိုယ်တိုင်လည်း ဘွန်းဒစ်လီဂါက ထွက်ခွာချင်နေတယ်။ ဒေါ့တ်မန်က တာဝန်ရှိသူ တော်တော်များများနဲ့ ကျွန်တော် စကားတွေ ပြောဖြစ်ပါတယ်။ ကျွန်တော်ဟာ အသင်းရဲ့ အဓိက အစိတ်အပိုင်းအဖြစ် ယူဆခံရဆဲပါ။ ဒါပေမဲ့ ကျွန်တော့် အနာဂတ်ကိုတော့ တိတိကျကျ မဆုံးဖြတ်နိုင်သေးပါဘူး”ဟု ဖြေကြားခဲ့သည်။
ဟမ်မဲလ်စ်က “ကျွန်တော် ဒါကို ပွင့်ပွင့်လင်းလင်းပဲ ပြောတာပါ။ အသင်းမှာ ဆက်နေမယ်ပြောပြီး နောက်ကွယ်မှာ အပြောင်းအရွှေ့ ကိစ္စအတွက် တိုးတိုးတိတ်တိတ် သဘောတူညီမှု ယူနေတာမျိုးကို ကျွန်တော် သဘောမကျပါဘူး။ ကျွန်တော့် ကစားသမား ဘဝအတွက် အကောင်းဆုံး ဖြစ်နိုင်တဲ့ အရာကို လုပ်ပါမယ်။ ဒေါ့တ်မန်ကို ကျွန်တော် ဘယ်လောက် ချစ်မြတ်နိုးတယ် ဆိုတာကို လူတိုင်းအသိပါ။ ဒါပေမဲ့ ကျွန်တော် ကိုယ်တိုင်ကတော့ ထိပ်တန်း ကစားသမားတွေ ပိုင်ဆိုင်ထားတဲ့ အသင်းကြီး တစ်ခုခုမှာ ပါဝင်ကစားနေချင်ပါတယ်”ဟုလည်း ပြောဆိုသွားသည်။
Soccer Myanmar
0 comments:
Post a Comment