ဘာစီလိုနာကို မန်စီးတီးရှုံးကြွေးဆပ်နိုင်မှာလား၊ ထပ်တင်မှာလား (ချန်ပီယံလိဂ် ၁၆ သင်းအဆင့် ပွဲကြို)
သမိုင်းဟာ အမြဲတမ်းတကျော့ပြန်လည်တတ်တယ်ဆိုတဲ့ စကားအတိုင်း အခုလည်း မန်စီးတီးနဲ့ ဘာစီလိုနာတို့ရဲ့ သမိုင်းကြောင်းဟာ တပတ်ပြန်လည်လာခဲ့ပြီဖြစ်ပါတယ်။ ပြီးခဲ့တဲ့ရာသီက ဒီအဆင့်မှာပဲ မန်စီးတီးနဲ့ ဘာစီလိုနာ တွေ့ဆုံခဲ့တာဖြစ်ပြီး ဘာစီလိုနာဟာ ၄-၁ ဆိုတဲ့ပြတ်သားတဲ့ရလဒ်နဲ့ ကျော်ဖြတ်နိုင်ခဲ့တာဖြစ်ပါတယ်။ ဒီနှစ်မှာတော့ မန်စီးတီးကို နှစ်ကျော့ပေါင်း လေးဂိုးသွင်းဖို့ ဘာစီလိုနာအတွက် အခွင့်အရေးရှိပါဦးမလားဆိုတာ စိတ်ဝင်စားစရာအချက်ဖြစ်လာခဲ့ပါတယ်။
မနှစ်ကဒီနှစ်သင်း တွေ့ဆုံမှုဟာ ဥရောပပြိုင်ပွဲတွေသမိုင်းတလျှောက် ပထမဆုံး တွေ့ဆုံမှုဖြစ်ပါတယ်။ နှစ်သင်းစလုံးဟာ ဒီရာသီမှာ ချန်ပီယံလိဂ်ကိုလည်း ပြည်တွင်းအမှတ်ပေးဖလားနဲ့အတူတူ ပစ်မှတ်ထားနေတာ ကြောင့်
နှစ်သင်းလုံးအတွက် နောက်တဆင့် ရောက်ဖို့ဆိုတာ အတော်လေးခက်ခဲတဲ့အခြေအနေပါ။ ဒီနေ့ည ချန်ပီယံလိဂ် ၁၆ သင်းအဆင့် ပထမအကျော့ပွဲစဉ်တွေကို မန်စီးတီး – ဘာစီလိုနာပွဲက စပြီး သုံးသပ်ကြည့်ကြရ အောင်ပါ။
မန်စီးတီး – ဘာစီလိုနာ
ပြီးခဲ့တဲ့နှစ်က မန်စီးတီးဟာ အိမ်ကွင်းမှာ ရလဒ်မကောင်းခဲ့တာဟာ နောက်ခံလူ ဒီမီချီလီ အထုတ်ခံခဲ့ရတာ ကြောင့်လည်း ဖြစ်ပါတယ်။ ဒီတစ်ခေါက်မှာတော့ မန်စီးတီးဘက်က ဒီမီချီလီ၊ ကွန်ပနီတို့လို့ အနည်းပယ် ပျာယာခတ်တက်တဲ့ကစားသမားမျိုးကို သတိထားဖို့ လိုပါတယ်။ ထူးဆန်းတာက ဒီနှစ်သင်းလုံးဟာ ပြည်တွင်းအမှတ်ပေးဇယားအသီးသီးမှာ ဒုတိယနေရာ လိုက်နေရတဲ့ အသင်းတွေဖြစ်နေတဲ့အချက်ပါပဲ။ မန်စီးတီးက နောက်ဆုံးကစားခဲ့တဲ့ ပရီးမီးယားလိဂ်ပွဲစဉ်မှာ နယူးကာဆယ်ကို ငါးဂိုးပြတ်အောင်ပွဲခံနိုင်ခဲ့ပေမယ့် ဘာစီလိုနာကတော့ မာလာဂါကို မထင်မှတ်ပဲ ရှုံးနိမ့်သွားခဲ့ပါတယ်။ ဒီတော့ ဘာစီလိုနာရဲ့ ခြေစွမ်းဟာ သတိထားရမယ့် ခြေစွမ်းဖြစ်လာခဲ့ပါတယ်။
မန်စီးတီးအခြေအနေ
မန်စီးတီးအသင်းမှာ ယာယာတိုယေးကလွဲလို့ လူစုံပါဝင်မှာဖြစ်ပါတယ်။ အနီကတ်ပြစ်ဒဏ်ကြောင့် မပါဝင်နိုင်တာ ဖြစ်ပါတယ်။ ဒါပေမယ့် ယာယာတိုယေးဟာ မန်စီးတီးရဲ့ အဓိကအကျဆုံး ကစားသမား ဖြစ်နေတာကတော့ ဆိုးရွားပါတယ်။
အထူးသဖြင့် ဘာစီလိုနာလို အသင်းမျိုးနဲ့ ရင်ဆိုင်ရတဲ့အခါ ယာယာတိုယေးလို ကစားသမားမျိုးက မဖြစ်အနေလိုအပ်မှာ သေချာပါတယ်။
ဒါပေမယ့် မန်စီးတီးက အသစ်ခေါ်ထားတဲ့ တိုက်စစ်မှူး ဘိုနီဒီပွဲမှာပွဲထွက်ပါလာနိုင်ပါတယ်။ ဘိုနီဟာ ချန်ပီယံလိဂ်အတွေ့အကြုံမရှိသေးတဲ့အတွက် ဘယ်လောက်အားကိုးရမလဲဆိုတာ ပွဲချိန်ရောက်မှသာ တိတိကျကျ
အဖြေထုတ်ပေးနိုင်မှာပါ။ ယာယာတိုယေးမပါနိုင်တာကလွဲရင် မန်စီးတီးမှာ လူစုံပါဝင်နိုင်မှာ ဖြစ်လို့ သိပ်တော့ စိတ်ပျက်စရာမရှိလှပါဘူး။
ဘာစီလိုနာ အခြေအနေ
ဘာစီလိုနာဘက်မှာလည်း ကာလကြာရှည်ဒဏ်ရာရနေတဲ့ နောက်ခံလူ ဗာမေလန်က လွဲလို့ လူစုံပါနိုင်မှာ ဖြစ်ပါတယ်။ တိုက်စစ်မှူးဆွာရက်ဇ်အတွက်တော့ ဘာစီလိုနာအတွက်ကစားခဲ့ ပထမဆုံးချန်ပီယံလိဂ်ပွဲစဉ် ဖြစ်လာနိုင်ပါတယ်။
ဘာစီလိုနာဟာ ဒီရာသီမှာ ပရိတ်သတ်တွေ အထင်ကြီးလောက်စရာ ခြေစွမ်းမျိုးဖြစ်အောင် မလုပ်နိုင်သေးဘူးလို့ ဆိုနိုင်ပါတယ်။ တိုက်စစ်က ဂိုးတွေရနေဆဲဖြစ်ပေမယ့် ကွင်းလယ်က အရင်ကလောက် အထင်ကြီးစရာမျိုး မလုပ်ပြနိုင်တော့ပါဘူး။ တစ်ခါတရံမှာ ကစားသမားတွေအကြား နားလည်မှု လွဲနေတာတွေ လည်းတွေ့နေရပါတယ်။
စိတ်ဝင်စားစရာ အချက်အလက်
မန်စီးတီးမှာ စိုးရိမ်စရာကောင်းတဲ့ ချန်ပီယံလိဂ်စံချိန်တစ်ခုရှိပါတယ်။ အဲဒါကတော့ ချန်ပီယံလိဂ် အိမ်ကွင်းနောက်ဆုံး ၁၃ ပွဲကစားရာမှာ တစ်ပွဲပဲ ဂိုးမပေးခဲ့ရဘူးဆိုတဲ့ အချက်ဖြစ်ပါတယ်။ ဒါကြောင့် ဒီပွဲမှာလည်း ဘာစီလိုနာကို မန်စီးတီး ဂိုးပေးရဦးမယ်လို့ ယူဆရပါတယ်။
ဘာစီလိုနာဟာ နောက်ဆုံးခုနှစ်နှစ်ဆက်တိုက် ကွာတာဖိုင်နယ်ကို တက်နိုင်ခဲ့တဲ့ အသင်းဖြစ်လို့ မန်စီးတီးထက် အစဉ်အလာအားဖြင့် ပိုသာနေပါတယ်။
နောက်တစ်ချက်က ဘာစီလိုနာဟာ ချန်ပီယံလိဂ်ရှုံးထွက်အဆင့်တွေမှာ အင်္ဂလိပ် အသင်းတွေနဲ့ ခုနှစ်ကြိမ် တွေ့ခဲ့ရာမှာ ခြောက်ကြိမ် အနိုင်ရခဲ့ပါတယ်။ ၂၀၁၁-၁၂ ဘောလုံးရာသီက ချဲလ်ဆီးကို နှစ်ကျော့ပေါင်း ရလဒ်နဲ့ ၃-၂ ဂိုးနဲ့ ရှုံးခဲ့တာက လွဲလို့ ဘာစီလိုနာဟာ ကျန်တဲ့ပွဲတွေမှာ အောင်ပွဲယူနိုင် ခဲ့တာချည်းပါပဲ။
သုံးသပ်ချက်
ဘာစီလိုနာရဲ့ အဓိကကစားသမာမက်ဆီဟာ ချန်ပီယံလိဂ်နောက်ဆုံးငါးပွဲဆက်တိုက် ဂိုးသွင်းထားသူဖြစ်ပါတယ်။ ဒါပေမယ့် သူဟာခြောက်ပွဲဆက်တိုက် ဂိုးသွင်းတာမျိုးတော့ တစ်ကြိမ်မှ မလုပ်နိုင်သေးပါဘူး။ ဒီအစဉ်အလာက မန်စီးတီးအတွက် အားသာချက်ဖြစ်လာနိုင်ပါတယ်။ နှစ်သင်းလုံးဟာ တိုက်စစ်ထက်မြက်တဲ့ အသင်းတွေဖြစ်ပေမယ့် မန်စီးတီးကွင်းလယ်မှာ ယာယာတိုယေး မပါနိုင်တာက ကြီးမားတဲ့ အားနည်းချက်ဖြစ်နေပြန်ပါတယ်။
ခံစစ်ကို နှစ်သင်းလုံး အာရုံစိုက်ပြီး ဂရုစိုက်ကြမယ့်ပွဲဖြစ်မှာပါ။ တစ်သင်းနဲ့တစ်သင်း ဂိုးသွင်းဖို့ ခက်ပါလိမ့်မယ်။ တစ်ဖက်တစ်ဂိုးစီသရေ ဒါမှမဟုတ် ဘာစီလိုနာ တစ်ဂိုးလောက်နဲ့ ကပ်နိုင်သွားမယ်လို့ ယူဆရပါတယ်။
အိမ်ကွင်းမှာ အောင်ပွဲခံဖို့ ကြိုးစားမယ့် ဂျူဗင်တပ်
နောက်တပွဲက ဂျူဗင်တပ်နဲ့ ဒေါ့မွန်ဖြစ်ပါတယ်။ နှစ်သင်းလုံးဟာ လက်ရှိအခြေအနေမှာ အလွန်မှန်းရခက်တဲ့ အသင်းတွေလို့ဆိုနိုင်ပါတယ်။ စီးရီးအေမှာ ဂျူဗင်တပ်ခြေစွမ်းပြပြီး ဦးဆောင်နေပေမယ့် ချန်ပီယံလိဂ်မှာ ဘယ်လိုလာမလဲဆိုတာ
အတပ်မပြောနိုင်သေးပါဘူး။ ဒေါ့မွန်ကလည်း အမှတ်ပေးပွဲမှာ ရလဒ်ဆိုးရွားခဲ့ပေမယ့် ချန်ပီယံလိဂ်မှာတော့ တောက်ပတဲ့ခြေစွမ်းကို ပိုင်ဆိုင်ခဲ့တဲ့ အသင်းပါ။ အခုတော့ ဒေါ့မွန်ဟာ ပြည်တွင်းမှာလည်း နိုင်ပွဲတွေ ပြန်ဆက်နေပြီဖြစ်ပါတယ်။
ဂျူဗင်တပ် – ဒေါ့မွန်
နှစ်သင်းလုံး အတွက်တော့ သတင်းကောင်း တွေနဲ့ စောင့်ကြိုနေတဲ့ ရက်သတ္တပတ်ဖြစ်ပါတယ်။ ပြည်တွင်း ပြိုင်ပွဲ တွေမှာလည်း နိုင်ပွဲတွေ အသီးသီး ရနေကြတာ တိုက်ဆိုင်နေပါတယ်။ ဂျူဗင်တပ် မှာလည်း အားထားရတဲ့ ဗီဒယ်ဒဏ်ရာ ပြန်သက် သာလာလို့ ဒီပွဲမှာ ပါဖို့ရှိနေ ပါတယ်။ ဒေါ့မွန်ကလည်း မာကိုရူးစ်ကို ပြန်လည် အသုံးပြု နေနိုင်ပြီဖြစ်လို့ နှစ်ဖက် အင်အားဟာ ပြောစရာ မလိုအောင် တောင့်တင်းနေမှာ ဖြစ်ပါတယ်။ ဂျူဗင်တပ်ဟာ လေးနှစ် ဆက်တိုက် စီးရီးအေ အမှတ်ပေးချန်ပီယံဆုကို ရဖို့ ကြိုးပမ်း နေချိန်နဲ့ တစ်ပြိုင်နက်မှာပဲ ဒီနှစ်မှာ ချန်ပီယံလိဂ် ကိုလည်း ပစ်မှတ်ထား နေတဲ့သင်း ဖြစ်ပါတယ်။ ၂၀၀၆ နောက်ပိုင်း ကွာတားဖိုင်နယ်ကို မတက်နိုင် တော့တဲ့ အသင်းဆိုတဲ့ နာမည်ဆိုးကို ဂျူဗင်တပ် ချေဖျက်ဖို့ ကြိုးပမ်းမှာ ဖြစ်ပါတယ်။ ဒေါ့မွန်အတွက်တော့ ရှုံးထွက် အဆင့်ကို သုံးနှစ် ဆက်တိုက် တက်လာ နိုင်ခဲ့တဲ့ နှစ်ဖြစ် ပါတယ်။
ဂျူဗင်တပ်ဟာ ၂၀၁၅ မှာ ရှုံးပွဲမရှိသေးတဲ့အသင်းဖြစ်ပါတယ်။ ဒီဇင်ဘာ နောက်ဆုံးပတ်တုန်းက နာပိုလီကို စူပါဖလားမှာ ပင်နယ်တီအဆုံးအဖြတ်နဲ့ ရှုံးပြီးနောက်ပိုင်း အခုအချိန်ထိ ဂျူဗင်တပ် ရှုံးပွဲမရှိသေးတာဖြစ်ပါတယ်။ ဒါကြောင့်
ဂျာမန်အသင်းဒေါ့မွန်ရဲ့ပြိုင်ဘက်ဟာ အင်အားအကောင်းဆုံး အချိန်ရောက်နေတာကို သတိပြုရပါလိမ့်မယ်။
သုံးသပ်ချက်
ဒေါ့မွန်အတွက် အဝေးကွင်းလည်းဖြစ်နေတဲ့အတွက် သိပ်တော့ မျှော်လင့်ထားလို့ မရနိုင်ပါဘူး။ နောက်တစ်ချက် က ဒေ့ါမွန်ဟာ ဂျူဗင်တပ်နဲ့ ရင်ဆိုင်ခဲ့ဖူးတဲ့ ပွဲတိုင်းမှာ ဂိုးပေးထားရတယ်ဆိုတဲ့ သမိုင်းကြောင်းရှိပါတယ်။ ၁၉၉၇ ခုနှစ်က
ဒီနှစ်သင်းတွေ့ဆုံမှုဟာ နောက်ဆုံးတွေ့ဆုံမှု ဖြစ်ခဲ့ပါတယ်။ အဲဒီတုန်းက ဥရောပဖလားဗိုလ်လုပွဲမှာ တွေ့ခဲ့တာဖြစ်ပြီး ဒေါ့မွန်က ၃-၁ ဂိုးနဲ့ ချန်ပီယံဖြစ်ခဲ့ပါတယ်။
ဒီရာသီမှာတော့ ဒေါ့မွန်ပိုင်ဆိုင်ထားတဲ့ လက်က်ရှိခြေစွမ်းအရ စီးရီးအေချန်ပီယံကို အလွယ်တကူကျော်ဖြတ်ဖို့ မလွယ်ကူလှပါဘူး။ ဒါပေမယ့်လည်း ချန်ပီယံလိဂ်မှာ တိုက်စစ်အားနည်းတက်တဲ့ ဂျူဗင်တပ်ကြောင့် ဒေါ့မွန်အသက်ရှုချောင်နိုင်ပါတယ်။
ဒီပွဲကတော့ နှစ်ဖက်သွင်းဂိုးမထင်မှတ်ပဲ များသွားနိုင်မယ်ထင်ပါတယ်။ ဒေါ့မွန်အတွက်တော့ အမြင့်ဆုံး မျှော်လင့်ချက်ဟာ သရေ သို့မဟုတ် ဂိုးပြတ်မရှုံးဖို့ပဲ ဖြစ်နိုင်ပါတယ်။ ဂျူဗင်တပ် ၂-၁ ဂိုးနဲ့ နိုင်ခြေရှိသလို တစ်ဖက်နှစ်ဂိုး စီလောက်နဲ့လည်း သရေပွဲဖြစ်နိုင်ပါတယ်။
Soccer Myanmar
0 comments:
Post a Comment