ဗန်ဂါးလ်နှင့် ဆက်ဆံရေး မပြေလည်ဆိုသော သတင်းများကို ဒီဂီယာ ယတိပြတ် ငြင်းပယ်
မန်နေဂျာ လူးဝစ်ဗန်ဂါးလ်နှင့် ဆက်ဆံရေး ပျက်ပြားနေကြောင်း သတင်းများကို မန်ချက်စတာ ယူနိုက်တက် ဂိုးသမား ဒေးဗစ်ဒီဂီယာက ငြင်းဆိုသွားခဲ့သည်။
စပိန်ရှိ သတင်းဌာန အချို့ ယူနိုက်တက်တွင် ဒီဂီယာနှင့် ဗန်ဂါးလ်တို့ အချင်းချင်း စကားမပြောကြသည်မှာ တစ်လမျှ ရှိနေပြီဖြစ်ကြောင်း ဖော်ပြခဲ့ကြသည်။ သို့သော်လည်း စပိန်လက်ရွေးစင် ဒီဂီယာက MUTVနှင့် အင်တာဗျူး အစီအစဉ်တွင် ယင်းကောလာဟလများသည် မုသားသက်သက်သာဖြစ်ကြောင်း ရှင်းလင်းခဲ့သည်။ “ကျွန်တော်တို့အကြောင်း ရေးနေသမျှ ကိစ္စအားလုံးက မုသားသက်သက်တွေပဲ။ ကျွန်တော်ရော၊ မန်နေဂျာပါ အသင်းအတွက်၊ ကလပ်အတွက် အကောင်းဆုံး ဖြစ်စေဖို့ပဲ မျှော်လင့်ကြတယ်။ အဲဒီ ယုံတမ်းပုံပြင်တွေက အလိမ်အညာတွေချည်း ပြည့်နှက်နေတာပါ”ဟာ ပြောကြားသွားသည်။
အသက်(၂၄)နှစ်ရှိ ဒီဂီယာသည် ယခုရာသီ အထူးတလည် လက်စွမ်းပြနေသည့်နောက် ရီးယဲလ်မက်ဒရစ် အသင်း၏ စိတ်ဝင်စားခြင်းကို ခံနေရသည်။ ယူနိုက်တက်သည် ပထမအသင်းမှ ကစားသမား (၇)ဦးကို သက်တမ်းတိုး စာချုပ်ပြီး ဖြစ်သည့်တိုင် စာချုပ်သက်တမ်း တစ်နှစ်ကျော်သာ ကျန်တော့သည့် ဒီဂီယာကို သက်တမ်းတိုးမြှင့်နိုင်ခြင်း မရှိသေးဘဲ ဖြစ်နေသည်။ ဒီဂီယာက လက်ရှိကာလသည် ကစားသမား ဘဝ၏ အကောင်းဆုံး လက်စွမ်းကို ပိုင်ဆိုင်နေသော အနေအထားဟု ခံစားမိကြောင်း ဖွင့်ဟခဲ့သည်။
“ကျွန်တော့် ကစားသမား ဘဝမှာတော့ လောလောဆယ် အချိန်ဟာ အကောင်းဆုံးပဲလို့ ထင်ပါတယ်။ ကျွန်တော် ကစားဖူးသမျှ အကောင်းဆုံး စွမ်းဆောင်ရည်ကို ရနေတယ်။ လက်ရှိ အနေအထားကို ကျေနပ်နေတယ် ဆိုပေမယ့် လေ့ကျင့်ရေး အစီအစဉ်တိုင်း၊ ပွဲစဉ်တိုင်းမှာ ပိုပြီး တိုးတက်လာအောင်၊ ပိုပြီး ကောင်းမွန်လာအောင် ကျွန်တော် ကြိုးစားနေဆဲပါ။ အာရုံစူးစိုက်မှုကို (၁၀၀)ရာခိုင်နှုန်းအပြည့် အသုံးချထားပါတယ်။ ကျွန်တော့် အနေနဲ့ ရှေ့ဆက်ပြီးလည်း အခုလိုပဲ စွမ်းဆောင်ပြသွားချင်ပါတယ်”ဟု ဒီဂီယာက ပြောဆိုသွားသည်။
Soccer Myanmar
0 comments:
Post a Comment