တယောက်လျော့ အသလက်တီကို ဂျာမနီမြေမှာ ရှုံးပွဲတွေ့
ပြည်တွင်းပြိုင်ပွဲမှာ ခြေစွမ်းတည်ငြိမ်မှာ အားနည်းနေတဲ့ လေဗာကူဆင်ဟာ အသလက်တီကိုနဲ့ ချန်ပီယံလိဂ်ပွဲမှာတော့ တည်ငြိမ်တဲ့ခြေစွမ်းကို ပြသသွားနိုင်ခဲ့ပါတယ်။ အိမ်ကွင်းမှာ ဂိုးသွင်းထားနိုင်မှ နောက်တဆင့်အတွက် မျှော်လင့်ချက်ရှိမယ်ဆိုတာကို နားလည်ထားတဲ့ လေဗာကူဆင်ဟာ တိုက်စစ်ခံစစ် မျှတအောင် ကစားနိုင်ခဲ့တာတွေ့ရပါတယ်။
အသလက်တီကိုဘက်က မန်ဇူကစ်နဲ့ ဂရစ်ဇ်မန်းကို ရှေ့မှာထားပြီး ၄-၄-၂ ပုံစံနဲ့ ပွဲထွက်လာခဲ့သလို လေဗာကူဆင်ကလည်း တိုက်စစ်မှူး ဒါမစ်ကို အထောင်ထားပြီး ပွဲထွက်လာခဲ့တာဖြစ်ပါတယ်။ နှစ်သင်းလုံးဟာ ခံစစ်ကိုအမှားမရှိအောင် ကစားနိုင်ခဲ့တာကြောင့် ပထမပိုင်းမှာ ဂိုးမသွင်းနိုင်ပဲ ဖြစ်ခဲ့ရပါတယ်။ ပထမပိုင်းမှာ ကွင်းလယ်ချင်းသာ အားပြိုင်နေခဲ့ပြီး ထိရောက်တဲ့ထိုးဖောက်မှုတွေ မပြုလုပ်နိုင်ခဲ့တာ တွေ့ရပါတယ်။ အသလက်တီကိုရဲ့ ထိုးဖောက်မှုတွေကို ပထမပိုင်းမှာ လေဗာကူဆင်နောက်ခံကစားသမား စပါဟစ် နှစ်ကြိမ်လောက်ဖျက်ထုတ်နိုင်ခဲ့လို့လည်း အသလက်တီကိုအခက်ကြုံခဲ့ရတာ ဖြစ်ပါတယ်။
ဒုတိယပိုင်းအရောက်မှာတော့ အိမ်ရှင်အသင်းလိုအပ်နေတဲ့ ဦးဆောင်ဂိုးကို စတင်ရရှိသွားခဲ့တာ တွေ့ရပါတယ်။ ဦးဆောင်ဂိုးရလိုက်လို့လည်း လေဗာကူဆင်ရဲ့ စိတ်ဓါတ်ပိုင်းဆိုင်ရာ ပိုမိုတက်ကြွလာခဲ့ပြီး အသလက်ကိုအသင်း ကစားရခက်ခဲ့တာဖြစ်ပါတယ်။ ပွဲချိန် ၅၇ မိနစ်မှာ လေဗာကူဆင်ကစားသမား ဘယ်လာရာဗီက ပင်နယ်တီအစပ်နားကိုဆွဲလာပြီး အသင်းဖော် ကာဟာနော့ဂ်လူကို ဖနောင့်နဲ့ချပေးခဲ့တာ ဖြစ်ပါတယ်။ ဒါကို ကာဟာနော့ဂ်လူက အကောင်းဆုံး အဆုံးသတ်နိုင်ခဲ့လို့ အိမ်ရှင်အဖွင့်ဂိုး ရသွားခဲ့တာပါ။ လူစားဝင်လာတဲ့တောရက်စ်ကလည်း အသလက်တိုကိုအသင်းကို မကူညီနိုင်ခဲ့ပါဘူး။ ၇၆ မိနစ်မှာ မလိုအပ်တဲ့ ဖျက်ထုတ်မှုကြောင့် အသလက်တီကိုကစားသမား တီယာဂို နှစ်ဝါ၊ တစ်နီနဲ့ ထွက်ခဲ့ရပါတယ်။ ချေပဂိုးရဖို့ ကြိုးစားနေတဲ့ အသလက်တီကိုအတွက် နစ်နာခဲ့ရပြီး ကစားအားပိုလျော့ကျသွားခဲ့ရပါတယ်။ ဒုတိပိုင်းမှာ အသလက်တီကိုရဲ့ ဂိုးပေါက်အပိုင်ကန်ချက်ကို နှစ်ကြိမ်ထက်မနည်း ကာကွယ်သွားခဲ့တဲ့ လေဗာကူဆင် ဂိုးသမားလီနိုရဲ့ လက်စွမ်းကလည်း ကျေနပ်စရာ ဖြစ်ခဲ့ရပါတယ်။
အဆုံးသတ်မှာတော့ လေဗာကူဆင်အသင်းနိုင်ပွဲရခဲ့ပေမယ့် ကျဉ်းမြောင်းတဲ့ရလဒ်ဖြစ်နေတာကြောင့် အိမ်ကွင်းမှာ ပြန်ကစားရမယ့် အသလက်တီကိုအတွက်လည်း အခွင့်အရေးရှိနေပါသေးတယ်။
Soccer Myanmar
0 comments:
Post a Comment