ကိုယ့်အဝတ် ကိုယ်လျှော်ရတော့မည့် ပါးမား ကစားသမားများ
ပါးမား ကစားသမားများ အနေဖြင့် မိမိတို့ ဝတ်ဆင်ထားသည့် ဂျာစီများကို ကိုယ်တိုင် လျှော်ဖွပ်ရတော့မည်ဟု သိရှိရသည်။
ငွေရေးကြေးရေး အကျပ်အတည်းများ ဆိုးဆိုးရွားရွား ကြုံနေရသည့် အီတလီ စီးရီးအေ ကလပ်အသင်းသည် စီးရီးဘီသို့ တန်းဆင်းရန် ကြိုတင် သတ်မှတ်ခံထားရပြီး ဖြစ်သည်။ ပါးမားသည် လွန်ခဲ့သည့် နှစ်လအတွင်း ပိုင်ရှင်နှစ်လက် ပြောင်းခဲ့ပြီး ကစားသမားများ အနေဖြင့်လည်း တစ်ရာသီလုံးစာ လုပ်ခလစာ မရရှိသေးချေ။ အမှတ်ပေးဇယား အောက်ခြေတွင် ရှိနေသည့် ပါးမားအသင်းသည် ကွင်းလုံခြုံရေး ဝန်ဆောင်မှု အဖိုးအခများ မပေးချေနိုင်သဖြင့် ယခုသီတင်းပတ်ကုန် အူဒီးနီးစ်နှင့် ကစားမည့် စီးရီးအေ ပွဲစဉ်ကိုလည်း ဖျက်သိမ်းလိုက်ရပြီး ဖြစ်သည်။ ယင်းအတိုင်း ဆက်သွားပါက ပါးမားသည် ရာသီကုန်ထိ လက်ကျန်အသင်းတိုင်းကို (၃-၀)ဖြင့် အလိုအလျောက် အရှုံးပေးရမည့် သဘောလည်း သက်ရောက်လာသည်။
“ဒီနေ့သတင်းကတော့ ကျွန်တော်တို့ ကိုယ့်အဝတ် ကိုယ်လျှော်ရတော့မယ် ဆိုတာပါပဲ။ မနက်ဖြန်ကစလို့ အသင်းမှာ အဝတ်လျှော်ပေးတဲ့ ဝန်ဆောင်မှု ဆက်မထားနိုင်တော့ဘူး။ ကိုယ့်အဝတ်အစားတွေ ကိုယ်အိမ်ပြန်သယ်ပြီး လျှော်ဖို့ပဲ ရှိတော့တယ်”ဟု ပါးမား အသင်းခေါင်းဆောင် အလက်ဇန္ဒရို လူကာရယ်လီက ပြောကြားခဲ့သည်။ ပါးမားသည် ငွေကြေး အကျပ်အတည်း ဆိုးရွားစွာ ကြုံတွေ့နေရသည့်အတွက် နည်းပြ ရောဘတ်တို ဒိုနာဒိုနီ အသုံးပြုသည့် ခုံတန်းတစ်ခု အပါအဝင် အဝတ်လဲခန်းထဲရှိ ပစ္စည်းအားလုံးကိုလည်း လေလံတင် ရောင်းချရန် စီစဉ်ထားကြောင်း ANSA သတင်းဌာနက ဖော်ပြခဲ့သည်။
ပါးမား၏ နောက်ဆုံး ဥက္ကဋ္ဌဖြစ်သူ ဂီယမ်ပီယက်ထရို မာနန်တီက ဂျီနိုအာနှင့်ပွဲစဉ်ကို ဆက်ကစားနိုင်အောင် ကြိုးပမ်းနေသော်လည်း ကစားသမားများကို အကြိုအပို့ ပြုလုပ်ပေးရုံသာ တတ်နိုင်မည်ဟု ဝန်ခံထားသည်။ “အသင်းအနေနဲ့ ငွေရေးကြေးရေး ပေးချေရမယ့် ကိစ္စ ဘာမှ မလုပ်နိုင်ပါဘူး”ဟု ၎င်းက ပြောကြားခဲ့သည်။ လူကာရယ်လီကမူ အသင်းက အကြိုအပို့ မလုပ်လျှင်ပင် ကစားသမားများ အနေဖြင့် ကိုယ့်ကားဖြင့်ကိုယ် သွားရောက်ပြီး ပွဲကစားရန် ဆန္ဒရှိကြောင်း ဆိုသည်။ “အသင်းဘတ်စ်ကား ရှိမရှိ ဆိုတာက စိတ်ပူရမယ့် ကိစ္စမဟုတ်တော့ဘူးလို့ ကျွန်တော် ထင်တယ်။ ခက်တာက ဟိုတယ်ကိစ္စပါ အဆင်မပြေရင်တော့ နည်းနည်း ဒုက္ခရောက်နိုင်တယ်”ဟု ၎င်းက ဖွင့်ဟခဲ့သည်။
ပါးမားသည် စီးရီးအေ ချန်ပီယံဆုကို တစ်ကြိမ်မျှ မရရှိခဲ့ဖူးသည့်တိုင် အီတလီတွင် သမိုင်းကြောင်းကောင်းသော အသင်းတစ်ခုအဖြစ် ရပ်တည်ခဲ့ဖူးပြီး UEFAဖလား နှစ်ကြိမ်၊ UEFA ရှုံးထွက်ဖလား တစ်ကြိမ်နှင့် အီတလီ ရှုံးထွက်ဖလား သုံးကြိမ်ထိ ဆွတ်ခူးနိုင်ခဲ့ဖူးသည်။
Soccer Myanmar
0 comments:
Post a Comment