ထိပ်တန်းအသင်းကြီး တစ်ခုခုတွင် ကစားလိုကြောင်း လူကာကူ ဖွင့်ဟ
ထိပ်တန်း အသင်းကြီး တစ်ခုခုတွင် ပြောင်းရွှေ့ကစားရန် လိုလား ဆန္ဒရှိမိကြောင်း အဲဗာတန် တိုက်စစ်မှူး ရိုမီလူ လူကာကူက ဖွင့်ဟ ပြောကြားခဲ့သည်။
အသက်(၂၁)နှစ်ရှိ ဘယ်လ်ဂျီယံ လက်ရွေးစင်သည် ပြီးခဲ့သည့် ရာသီ အငှားကစားသမား ဘဝတွင် အထူးတလည် ခြေစွမ်းပြခဲ့သည့်နောက် နွေရာသီက ပေါင်စတာလင် (၂၈)သန်းဖြင့် အဲဗာတန်၏ အပြီးသတ် ဝယ်ယူခြင်းကို ခံခဲ့ရသည်။ ယခုရာသီတွင်မူ လူကာကူသည် မန်နေဂျာ ရောဘတ်တို မာတီနက်ဇ်၏ ဘောလုံးပိုင်ဆိုင်မှု အသားပေး ကစားကွက်တွင် ရုန်းကန်နေရသည်။ ၎င်းသည် အဲဗာတန်၏ အမြဲတမ်း ကစားသမားအဖြစ် တစ်ရာသီပင် မကစားရသေးချိန်၌ ဂွတ်ဒီဆင်ပါ့ခ်ကို ကျောခိုင်းရန် အလားအလာရှိကြောင်း အရိပ်အမြွက် ဝန်ခံလာခြင်း ဖြစ်သည်။
ယခုရာသီ (၃၆)ပွဲတွင် (၁၀)ဂိုး သွင်းယူထားသည့် လူကာကူသည် စတမ်းဖို့ဒ်ဘရစ်ဂ်ျတွင် အသင်းဟောင်း ချယ်လ်ဆီးကို (၁-၀)ဖြင့် အရေးနိမ့်ခဲ့ရာ၌ မိနစ်(၉၀)အပြည့် ပါဝင် ကစားသွားသည်။ ၎င်းက “ချယ်လ်ဆီးနဲ့ ပြန်ရင်ဆိုင် ကစားရတာ ကျေနပ်စရာပါ။ ကျွန်တော့်ကို ပရိသတ်က ကောင်းကောင်း ကြိုဆိုကြတယ်လေ”ဟု The Sunသို့ ပြောကြားခဲ့သည်။ ၎င်းက “ချယ်လ်ဆီး ပရိသတ်တွေက ကျွန်တော်ဟာ ကစားသမားကောင်း တစ်ယောက်မှန်း နားလည်ကြတယ်။ ဒါပေမဲ့ လောလောဆယ် ကျွန်တော်က တိုးတက်မှုတွေ ရှာဖွေနေရဆဲပဲ။ တစ်ချိန်ချိန်မှာတော့ ချယ်လ်ဆီးလို ထိပ်တန်းအသင်းကြီး တစ်ခုခုမှာ သွားကစားချင်ပါတယ်။ ချယ်လ်ဆီးကို ပြန်သွားဖို့ ရည်မှန်းချက်ကို ကျွန်တော် ဘယ်တော့မှ ဖုံးကွယ် လျှို့ဝှက်ထားမှာ မဟုတ်ဘူး။ ကမ္ဘာပေါ်မှာ တခြားထိပ်တန်း အသင်းကြီးတွေလည်း ရှိပါသေးတယ်။ ကျွန်တော်က ကစားသမား တစ်ယောက် အနေနဲ့ ရင့်ကျက် တိုးတက်လာပြီး အဲဒီနောက်မှာတော့ ထိပ်တန်းအသင်း တစ်ခုခုကို ရောက်သွားချင်ပါတယ်”ဟု ဖွင့်ဟသွားသည်။
Soccer Myanmar
0 comments:
Post a Comment